പ്രതിസന്ധികൾ മറികടക്കാനുള്ള ശ്രമങ്ങളുടെ ഭാഗമായി കൂടുതൽ ജീവനക്കാരെ പിരിച്ചുവിടാൻ നൈക്ക് (Nike). കമ്പനിയുടെ വരുമാനത്തിൽ വലിയ ഇടിവുണ്ടാകുമെന്ന പ്രവചനത്തിന് പിന്നാലെയാണ് പുതിയ പുനഃസംഘടന പ്രഖ്യാപിച്ചിരിക്കുന്നത്. സി.ഇ.ഒ എലിയട്ട് ഹില്ലിന്റെ നേതൃത്വത്തിൽ നടക്കുന്ന ഈ നടപടികൾ കമ്പനിയുടെ ആഗോള ബിസിനസ്സ് വിഭാഗങ്ങളെയും ബാധിക്കും. പുതിയ തീരുമാനത്തിന് പിന്നാലെ നൈക്കിന്റെ ഓഹരി വില 8.5 ശതമാനം ഇടിഞ്ഞു.
തൊഴിൽ നഷ്ടപ്പെടുന്നവരുടെ എണ്ണവും ഏതൊക്കെ മേഖലകളിലാണ് ബാധിക്കുകയെന്ന കാര്യവും കമ്പനി ഇതുവരെ വ്യക്തമാക്കിയിട്ടില്ല. 2027-ഓടെ മാത്രമേ ജീവനക്കാർക്ക് ഇതുസംബന്ധിച്ച അറിയിപ്പുകൾ നൽകിത്തുടങ്ങുകയുള്ളൂ. ഫിസ്കൽ 2031-ഓടെ ഏകദേശം 2.5 ബില്യൺ ഡോളർ ലാഭമുണ്ടാക്കുകയാണ് പുതിയ പുനഃസംഘടനയിലൂടെ ലക്ഷ്യമിടുന്നത്. ഇതിന്റെ ഭൂരിഭാഗവും 2029, 2030 സാമ്പത്തിക വർഷങ്ങളിലായിരിക്കും ലഭിക്കുക.
ചൈനീസ് വിപണിയിലെ കനത്ത തിരിച്ചടിയാണ് നൈക്കിനെ പ്രധാനമായും ഉലയ്ക്കുന്നത്. ചൈനയിലെ വിൽപ്പനയിൽ 26 ശതമാനത്തിന്റെ ഇടിവാണ് ഒന്നാം പാടത്തിൽ ഉണ്ടായത്. ചൈനയിൽ തുടർച്ചയായ ഒൻപതാം പാടത്തിലാണ് കമ്പനിയുടെ വിൽപ്പന കുറയുന്നത്. വടക്കേ അമേരിക്കയിൽ 2 ശതമാനം വളർച്ച നേടാൻ കഴിഞ്ഞെങ്കിലും, ഒന്നാം പാടത്തെ മൊത്തത്തിലുള്ള വിൽപ്പന 4 ശതമാനം ഇടിഞ്ഞ് 11.21 ബില്യൺ ഡോളറായി കുറഞ്ഞു.
നൂതന ഉൽപ്പന്നങ്ങളുടെ കുറവാണ് വിപണിയിൽ തിരിച്ചടിയായതെന്ന് നിരീക്ഷകർ വിലയിരുത്തുന്നു. ജഴ്സി നിർമ്മാതാക്കളായ ഓനുമായി ഫ്രഞ്ച് ഫുട്ബോൾ താരം കിലിയൻ എംബാപ്പെ കരാറൊപ്പിട്ടതും നൈക്കിന് തിരിച്ചടിയായി. സാമ്പത്തിക വർഷത്തിലെ ലക്ഷ്യങ്ങൾ നവംബർ മുതൽ പുതുക്കുമെന്ന് സി.ഇ.ഒ എലിയട്ട് ഹിൽ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
