ദുബായിൽ നിന്ന് ഇസ്രായേലിലേക്ക് പറന്ന ഫ്ലൈ ദുബായ് (flydubai) വിമാനത്തിലുണ്ടായ വധശ്രമത്തിൽ പരിക്കേറ്റ ഇന്ത്യക്കാരനായ പൈലറ്റ് സ്മിത് മച്ചാറിനെ പ്രശംസിച്ച് യു.എസ് പ്രസിഡന്റ് ഡൊണാൾഡ് ട്രംപ്. വിമാനത്തിനുള്ളിൽ സഹപൈലറ്റിന്റെ കുത്തേറ്റെങ്കിലും അതിസാഹസികമായി കോക്ക്പിറ്റ് തുറന്ന് സഹഭക്ഷണം തേടിയ പൈലറ്റ് ഒരു യഥാർത്ഥ ഹീറോയാണെന്ന് ട്രംപ് പറഞ്ഞു. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി നടത്തിയ ഫോൺ സംഭാഷണത്തിന് ശേഷമാണ് ട്രംപ് ഇക്കാര്യം വെളിപ്പെടുത്തിയത്.
യു.എഇയിൽ നിന്ന് ഇസ്രായേലിലേക്ക് പുറപ്പെട്ട വിമാനത്തിൽ കോ-പൈലറ്റാണ് പ്രധാന പൈലറ്റായ സ്മിത് മച്ചാറിനെ ആക്രമിച്ചത്. ആക്രമണത്തിൽ ഗുരുതരമായി പരിക്കേറ്റെങ്കിലും പൈലറ്റ് കോക്ക്പിറ്റിന്റെ വാതിൽ തുറന്ന് സഹായത്തിനായി നിലവിളിക്കുകയായിരുന്നു. കൊലപാതക ശ്രമത്തിന് പിന്നിൽ ഭീകരവാദിയോ മാനസികാസ്വസ്ഥതയുള്ള വ്യക്തിയോ ആകാം എന്നാണ് സംശയിക്കുന്നതെന്ന് ട്രംപ് ചൂണ്ടിക്കാണിച്ചു. ഗുരുതരമായി പരിക്കേറ്റ പൈലറ്റ് ഇപ്പോഴും മോശം അവസ്ഥയിലാണെന്നും അദ്ദേഹം കൂട്ടിച്ചേർത്തു.
ഈ സംഭവത്തിനിടെ പ്ലംബർ ജോലിക്കാരനായ ഒരു ഇസ്രായേലി യാത്രക്കാരൻ നടത്തിയ ഇടപെടൽ അത്ഭുതകരമാണെന്ന് ട്രംപ് പറഞ്ഞു. മുമ്പ് ഒരിക്കലും വിമാനം പറത്തിയിട്ടില്ലാത്ത ഇയാൾ കോക്ക്പിറ്റിലേക്ക് പ്രവേശിച്ച് കോ-പൈലറ്റിനെ സീറ്റിൽ നിന്ന് പിൻവലിച്ച് താഴെയിടുകയായിരുന്നു. മറ്റ് യാത്രക്കാരുടെ സഹായത്തോടെയാണ് പിന്നീട് ഇയാളെ കീഴടക്കിയത്. ‘എയർ ഡിസാസ്റ്റേഴ്സ്’ എന്ന ടെലിവിഷൻ പരിപാടി കണ്ടാണ് വിമാനം പറത്തുന്നത് എങ്ങനെയെന്ന് പഠിച്ചതെന്നാണ് ആ യാത്രക്കാരൻ പിന്നീട് വ്യക്തമാക്കിയത്.
തുടർന്ന് വിമാനത്തിന്റെ പിന്നിലിരുന്ന മറ്റ് പൈലറ്റുമാരും സുരക്ഷാ ഉദ്യോഗസ്ഥരും കോക്ക്പിറ്റിലെത്തി നിയന്ത്രണം ഏറ്റെടുക്കുകയായിരുന്നു. ദുബായിൽ നിന്ന് ടെൽ അവീവിലേക്ക് പുറപ്പെട്ട വിമാനം പിന്നീട് സൗദി അറേബ്യയിലാണ് സുരക്ഷിതമായി ഇറക്കിയത്. താൻ കേട്ടറിഞ്ഞ വിവരങ്ങളുടെ അടിസ്ഥാനത്തിലാണ് ഈ സംഭവങ്ങൾ പറയുന്നതെന്നും, എങ്കിലും ഇതൊരു അവിശ്വസനീയമായ കഥയാണെന്നും ട്രംപ് മാധ്യമപ്രവർത്തകരോട് പറഞ്ഞു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
