വാഷിംഗ്ടൺ: കനേഡിയൻ ഉൽപ്പന്നങ്ങൾക്ക് നിരോധനം ഏർപ്പെടുത്താൻ മണിക്കൂറുകൾ മാത്രം ബാക്കിനിൽക്കെ, കാനഡയുമായി വൈകാതെ വ്യാപാര കരാറിലെത്താൻ സാധിക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. വരുന്ന മൂന്നോ നാലോ ആഴ്ചകൾക്കുള്ളിൽ കാനഡ ചർച്ചയ്ക്ക് തയ്യാറാകുമെന്നും തങ്ങൾക്ക് അനുകൂലമായ കരാർ ഉണ്ടാക്കാനാകുമെന്നും വൈറ്റ് ഹൗസിലെ ഓവൽ ഓഫീസിൽ അദ്ദേഹം പറഞ്ഞു.
ഇന്ന് (ചൊവ്വാഴ്ച) അർദ്ധരാത്രി മുതലാണ് മദ്യം, പാൽ ഉൽപ്പന്നങ്ങൾ, മോട്ടോർ സൈക്കിളുകൾ എന്നിവയുൾപ്പെടെ ഏകദേശം 100 കോടി ഡോളറിന്റെ കനേഡിയൻ ഉൽപ്പന്നങ്ങൾക്ക് അമേരിക്ക ഇറക്കുമതി നിരോധനം ഏർപ്പെടുത്തുന്നത്. ഓഗസ്റ്റിൽ ഇരുരാജ്യങ്ങളും തമ്മിലുള്ള ചർച്ചകൾ തടസ്സപ്പെട്ടതിനെ തുടർന്നാണ് വ്യാപാര തർക്കം രൂക്ഷമായത്.
ALSO READ ; ഭീകരവാദവും ബാലപീഡനവും: ഡിസ്‌കോർഡ് ആപ്പിൽ ഒളിഞ്ഞിരിക്കുന്ന അപകടം:ആൽബർട്ടയിൽ 17-കാരൻ അറസ്റ്റിൽ
അമേരിക്കയുടെ ഈ നടപടിയെക്കുറിച്ച് അറിയാമെന്നും കനേഡിയൻ തൊഴിലാളികളെയും കർഷകരെയും ബിസിനസുകളെയും സംരക്ഷിക്കാനാണ് തങ്ങൾ മുൻഗണന നൽകുന്നതെന്നും കാനഡ വ്യാപാര മന്ത്രാലയം വ്യക്തമാക്കി. വിദേശ പങ്കാളിത്തം വിപുലീകരിച്ച് സ്വന്തം സമ്പദ്‌വ്യവസ്ഥയെ ശക്തിപ്പെടുത്താനാണ് കാനഡ ശ്രമിക്കുന്നത്. നേരത്തെ കാനഡയ്ക്ക് മേൽ അമേരിക്ക 50 ശതമാനം നികുതി ചുമത്തിയപ്പോൾ കാനഡയും തിരിച്ചടിച്ചിരുന്നു.
കാനഡയിലെ സ്റ്റീൽ, അലുമിനിയം, വാഹന നിർമ്മാണ മേഖലകളെയും അമേരിക്കൻ തീരുമാനങ്ങൾ വലിയ രീതിയിൽ ബാധിച്ചിട്ടുണ്ട്. എന്നിരുന്നാലും, വരും ആഴ്ചകളിൽ ചർച്ചകളിലൂടെ പ്രശ്നപരിഹാരമുണ്ടാകുമെന്ന പ്രതീക്ഷയിലാണ് ഇരുരാജ്യങ്ങളും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
