ഓട്ടവ: കാനഡയുമായി പുതിയ വ്യാപാര കരാർ ഉടൻ ഉണ്ടാകുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് അറിയിച്ചു. എന്നാൽ കഴിഞ്ഞ 50 വർഷമായി കാനഡ അമേരിക്കയെ സാമ്പത്തികമായി ചൂഷണം ചെയ്യുകയാണെന്ന ഗുരുതര ആരോപണവും അദ്ദേഹം ഉന്നയിച്ചു. അയർലൻഡ് പ്രധാനമന്ത്രി മിഷേൽ മാർട്ടിനുമൊപ്പമുള്ള വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. CUSMA വ്യാപാര കരാറുമായി ബന്ധപ്പെട്ട ചോദ്യത്തിനാണ് ട്രംപ് ഈ പ്രതികരണം നടത്തിയത്.
കഴിഞ്ഞ ഓഗസ്റ്റ് 21-ന് ഇരുരാജ്യങ്ങളും തമ്മിലുള്ള ഔദ്യോഗിക വ്യാപാര ചർച്ചകൾ തടസ്സപ്പെട്ടിരുന്നു. കാനഡ അംഗീകരിക്കാത്ത പുതിയ നിബന്ധനകൾ അമേരിക്ക മുന്നോട്ടുവെച്ചതാണ് ചർച്ചകൾ നിൽക്കാൻ കാരണമെന്ന് പ്രധാനമന്ത്രി മാർക്ക് കാർണി വ്യക്തമാക്കി. തുടർന്ന് 28 ബില്യൺ ഡോളറിന്റെ കനേഡിയൻ ഉൽപ്പന്നങ്ങൾക്ക് അമേരിക്ക 50 ശതമാനം താരിഫ് ഏർപ്പെടുത്തി. മറുപടിയായി കാനഡയും തിരിച്ചടിയെന്നോണം പ്രതിതാരിഫുകൾ പ്രഖ്യാപിക്കുകയുണ്ടായി.
Also Read: അഫ്ഗാനെ തകർത്ത് ഇന്ത്യ; ആദ്യ ടി20യിൽ ടീമിന് ഏഴ് വിക്കറ്റ് ജയം
കാനഡയിലെ കാർഷിക ഇറക്കുമതി നയങ്ങളെയും അമേരിക്കൻ പ്രസിഡന്റ് രൂക്ഷമായി വിമർശിച്ചു. എന്നാൽ അമേരിക്കയുടെ ആരോപണങ്ങൾ സാമ്പത്തിക യാഥാർഥ്യങ്ങൾക്ക് നിരക്കാത്തതാണെന്ന് കനേഡിയൻ പ്രതിനിധികൾ വ്യക്തമാക്കി. തർക്കങ്ങൾ നിലനിൽക്കുമ്പോഴും ഇരുരാജ്യങ്ങളിലെയും ഉദ്യോഗസ്ഥർ തമ്മിൽ പിന്നാമ്പുറ ചർച്ചകൾ പുരോഗമിക്കുന്നുണ്ട്. അമേരിക്കൻ ഭാഗത്തുനിന്ന് അനുകൂലമായ പുതിയ നിർദേശങ്ങൾ വന്നാൽ മാത്രമേ ചർച്ചകൾ പൂർണ്ണമായി പുനരാരംഭിക്കാൻ കഴിയൂ എന്നാണ് കാനഡയുടെ നിലപാട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
