കാൽഗറി: ആൽബർട്ടയിലുള്ള കനനാസ്കിസ് കൺട്രിയിൽ വിമാനം തകർന്നു വീണ് രണ്ട് പേർ മരിച്ചു. ശനിയാഴ്ച രാവിലെ മൗണ്ട് മക്ഡൂഗൽ മേഖലയിലാണ് ദാരുണമായ അപകടം നടന്നത്. രാവിലെ 9:20-ഓടെ വിമാനം ആകാശത്ത് വെച്ച് അപകടനിലയിലാണെന്ന് പ്രദേശത്തുണ്ടായിരുന്ന ഗോൾഫ് കളിക്കാരുടെ ശ്രദ്ധയിൽപ്പെടുകയും അവർ ഉടൻ തന്നെ രക്ഷാപ്രവർത്തകരെ വിവരമറിയിക്കുകയുമായിരുന്നു.
അപകടത്തിൽ രണ്ടുപേർ മരിച്ചതായി ഞായറാഴ്ച രാവിലെ റോയൽ കനേഡിയൻ മൗണ്ടഡ് പോലീസ് (RCMP) വക്താവ് സ്ഥിരീകരിച്ചു. എന്നാൽ മരിച്ചവരുമായി ബന്ധപ്പെട്ട കൂടുതൽ വിവരങ്ങൾ പോലീസ് ഇതുവരെ പുറത്തുവിട്ടിട്ടില്ല.
ALSO READ: കാനഡയിലേക്ക് പോകാൻ പ്ലാനുണ്ടോ? വിസ പ്രോസസ്സിംഗിൽ വലിയ മാറ്റങ്ങൾ, പുതിയ സമയപരിധി ഇങ്ങനെ
സംഭവത്തിൽ ട്രാൻസ്പോർട്ടേഷൻ സേഫ്റ്റി ബോർഡ് ഓഫ് കാനഡ (TSB) അന്വേഷണം ആരംഭിച്ചിട്ടുണ്ട്. അപകടത്തെക്കുറിച്ചുള്ള വിവരങ്ങൾ ശേഖരിച്ചുവരികയാണെന്നും കൂടുതൽ വിവരങ്ങൾ ലഭ്യമാകുന്ന മുറയ്ക്ക് പങ്കുവെക്കുമെന്നും ടി.എസ്.ബി (TSB) അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
