വിന്നിപെഗ്: തെക്കുപടിഞ്ഞാറൻ മാനിറ്റോബയിൽ ശക്തമായ ഇടിമിന്നലിനും കനത്ത കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ഞായറാഴ്ച ഉച്ചയോടെയാണ് അധികൃതർ പ്രദേശത്ത് ജാഗ്രതാ നിർദേശം പുറപ്പെടുവിച്ചത്. മേഖലയിൽ തുടരുന്ന കടുത്ത ചൂടിലേക്ക് തണുത്ത കാറ്റ് കൂടി എത്തിയതാണ് പെട്ടെന്ന് ശക്തമായ കൊടുങ്കാറ്റ് രൂപപ്പെടാൻ കാരണമായത്. വരും മണിക്കൂറുകളിൽ കൂടുതൽ സ്ഥലങ്ങളിലേക്ക് കാറ്റും മഴയും പടരാൻ സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്ന് മുന്നറിയിപ്പിൽ പറയുന്നു.
മണിക്കൂറിൽ 90 മുതൽ 100 കിലോമീറ്റർ വരെ വേഗതയിൽ കാറ്റ് വീശാനും വലിയ ആലിപ്പഴം പെയ്യാനും സാധ്യതയുണ്ട്. ഇതിനൊപ്പം ശക്തമായ മഴയും ചെറിയ ചുഴലിക്കാറ്റുകളും ഉണ്ടായേക്കാം. ഉച്ചയോടെ തുടങ്ങുന്ന മഴ പിന്നീട് കൂടുതൽ പ്രദേശങ്ങളിലേക്ക് വ്യാപിക്കുകയും വൈകുന്നേരത്തോടെ കിഴക്കൻ മേഖലകളിലേക്ക് നീങ്ങുകയും ചെയ്യും. എന്നാൽ രാത്രിയോടെ തണുത്ത കാറ്റ് കിഴക്കോട്ട് മാറുന്നതോടെ കാലാവസ്ഥ സാധാരണ നിലയിലാകുമെന്നാണ് കരുതുന്നത്.
Also Read : ‘ലേക് ഒന്റാറിയോ’ ഇനി ‘ലേക് അമേരിക്ക’: ഗൂഗിൾ മാപ്പിൽ പേരുമാറ്റി ട്രംപ്
യാത്ര ചെയ്യുന്നവർ ശ്രദ്ധിക്കുക
കനത്ത മഴയും കാറ്റും കാഴ്ച തടസ്സപ്പെടുത്തുമെന്നതിനാൽ ഈ സമയത്ത് വാഹനങ്ങൾ ഓടിക്കുന്നത് അപകടകരമാണ്. ശക്തമായ കാറ്റിൽ മരങ്ങൾ മറിഞ്ഞുവീഴാനും വീടുകളുടെ വീടിന്റെ മുകൾഭാഗം തകരാനും സാധ്യതയുണ്ട്. അതുകൊണ്ട് താൽക്കാലിക ഷെഡ്ഡുകളിലും മരങ്ങളുടെ ചുവട്ടിലും നിൽക്കാതെ, സുരക്ഷിതമായ കെട്ടിടങ്ങളിലേക്ക് മാറാൻ അധികൃതർ നിർദേശിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Potential for severe thunderstorms and strong winds in southwestern Manitoba: Weather department issues alert.
