ഗ്രൗണ്ട് ഒഴിവുണ്ടോ? ഓൺലൈനായി അറിയാം; പൊതുജനങ്ങൾക്കായി മാറ്റത്തിനൊരുങ്ങി വിന്നിപെഗ്

വിന്നിപെഗ്: നഗരത്തിലെ കായിക മൈതാനങ്ങൾ ബുക്ക് ചെയ്തിട്ടുണ്ടോ എന്ന വിവരം പൊതുജനങ്ങൾക്ക് എളുപ്പത്തിൽ ഓൺലൈനായി അറിയാൻ കഴിയുന്ന സംവിധാനം ഒരുക്കണമെന്ന് കൗൺസിലർ ആനിസ് ലൂക്ക്സ് ആവശ്യപ്പെട്ടു. നിലവിൽ ഇത്തരം വിവരങ്ങൾ ലഭിക്കാൻ ബുദ്ധിമുട്ട നേരിടുന്ന സാഹചര്യത്തിലാണ് അസിനിബോയ കമ്മ്യൂണിറ്റി കമ്മിറ്റിയിൽ പുതിയ പ്രമേയം സമർപ്പിച്ചത്. പൊതുജനങ്ങൾക്ക് വിവരങ്ങൾ എളുപ്പത്തിൽ ലഭ്യമാക്കുകയാണ് ഈ നീക്കത്തിന്റെ പ്രധാന ലക്ഷ്യം.

നിലവിലെ തടസ്സങ്ങൾ

നിലവിലെ രീതി അനുസരിച്ച് മൈതാനങ്ങളുടെ ബുക്കിംഗ് അറിയാൻ ആളുകൾ 311 എന്ന ഹെൽപ്പ് ലൈൻ നമ്പറിലാണ് ബന്ധപ്പെടേണ്ടത്. എന്നാൽ 311 ജീവനക്കാർക്ക് ബുക്കിംഗ് വിവരങ്ങൾ നേരിട്ട് ലഭ്യമല്ലാത്തതിനാൽ അവർ പാർക്ക് ബുക്കിംഗ് ഏജന്റിനെ ബന്ധപ്പെടേണ്ടി വരുന്നു. വാരാന്ത്യങ്ങളിലും വൈകുന്നേരങ്ങളിലുമാണ് ആളുകൾ കൂടുതൽ വിവരങ്ങൾ തേടുന്നത്. എന്നാൽ ഈ സമയങ്ങളിൽ ബുക്കിംഗ് ഏജന്റുമാർ ലഭ്യമാകാത്തത് പൊതുജനങ്ങൾക്ക് വലിയ പ്രയാസം സൃഷ്ടിക്കുന്നുണ്ട്.

Also Read : യാത്രക്കാർക്ക് ഇനി സമയ ലാഭം: കാൽഗറിയിൽ പുതിയ 500-സീരീസ് എക്സ്പ്രസ് ബസ് സർവീസിന് തുടക്കമായി

അടുത്ത സീസണിൽ നടപ്പാക്കാൻ നിർദേശം

പുതിയ സാങ്കേതികവിദ്യ പ്രയോജനപ്പെടുത്തി അടുത്ത സീസണോടെ ഓൺലൈൻ ബുക്കിംഗ് പരിശോധന സാധ്യമാക്കണമെന്ന് കൗൺസിലർ നിർദേശിച്ചു. വിവരങ്ങൾ ഓൺലൈനായി ലഭ്യമാക്കുന്നതിനുള്ള സംവിധാനം കണ്ടെത്താൻ പബ്ലിക് സർവീസിന് നിർദേശം നൽകണമെന്നും ലൂക്ക്സ് കമ്മ്യൂണിറ്റി സർവീസസ് കമ്മിറ്റിയോട് ആവശ്യപ്പെട്ടിട്ടുണ്ട്. കൗൺസിലർ സമർപ്പിച്ച പ്രമേയം സെപ്റ്റംബർ 4-ന് നടക്കുന്ന യോഗത്തിൽ ചർച്ച ചെയ്യും.

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq

Is there a ground vacancy? Find out online; Winnipeg prepares for change for the public