ലൂസിയാന: അമേരിക്കയിലെ ലൂസിയാനയിൽ അമീബിക് മസ്തിഷ്ക ജ്വരം ബാധിച്ച് എട്ട് വയസ്സുകാരി മരിച്ചു. റസ്റ്റൺ സ്വദേശിനിയായ ലില്ലിയൻ സ്മാർട്ട് ആണ് ചികിത്സയിലിരിക്കെ മരിച്ചത്. ലേക്കിൽ നീന്തുന്നതിനിടെയാണ് കുട്ടിക്ക് അണുബാധയുണ്ടായത്. റസ്റ്റണിൽ നിന്ന് 48 കിലോമീറ്റർ അകലെയുള്ള ലേക്ക് ക്ലൈബോണിൽ നിന്നാണ് കുട്ടിക്ക് രോഗബാധയേറ്റതെന്ന് ലൂസിയാന ആരോഗ്യ വകുപ്പ് സ്ഥിരീകരിച്ചു. പനിയെത്തുടർന്ന് ആശുപത്രിയിൽ പ്രവേശിപ്പിക്കപ്പെട്ട കുട്ടിയുടെ തലച്ചോറിന് ഗുരുതരമായി വീക്കവും ക്ഷതവും സംഭവിച്ചതാണ് മരണ കാരണം.
മൂക്കിലൂടെ ശരീരത്തിൽ പ്രവേശിക്കുന്ന അമീബ
‘നേഗ്ലെറിയ ഫൗളറി’ (Naegleria fowleri) എന്ന ശാസ്ത്രീയ നാമത്തിൽ അറിയപ്പെടുന്ന ഈ സൂക്ഷ്മ അമീബകൾ ചൂടുള്ള ശുദ്ധജലത്തിലാണ് പ്രധാനമായും വളരുന്നത്. തടാകങ്ങളിലോ പുഴകളിലോ നീന്തുമ്പോൾ അമീബ അടങ്ങിയ വെള്ളം മൂക്കിലൂടെ ശരീരത്തിനുള്ളിലേക്ക് കടക്കുകയും പിന്നീട് തലച്ചോറിലെത്തുകയും ചെയ്യുമ്പോഴാണ് ഗുരുതരമായ രോഗബാധയുണ്ടാകുന്നത്. എന്നാൽ ഈ വെള്ളം കുടിക്കുന്നതിലൂടെ രോഗം പകരില്ലെന്നും ഒരാളിൽ നിന്ന് മറ്റൊരാളിലേക്ക് സമ്പർക്കം വഴി വ്യാപിക്കില്ലെന്നും ആരോഗ്യ വിദഗ്ധർ വ്യക്തമാക്കി. തലവേദന, പനി, ഛർദ്ദി എന്നിവയാണ് ഇതിന്റെ പ്രാരംഭ ലക്ഷണങ്ങൾ.
Also Read: എച്ച്-1ബി വിസ ഫീസ് കുത്തനെ ഉയർത്താൻ അമേരിക്ക: ഇന്ത്യൻ ഐ.ടി മേഖലയ്ക്ക് തിരിച്ചടിയായേക്കും
വ്യാപനം വർധിക്കുന്നതായി മുന്നറിയിപ്പ്
1937 മുതൽ 2025 വരെയുള്ള കാലയളവിൽ അമേരിക്കയിൽ 180 കേസുകൾ മാത്രമാണ് ഈ ഇനത്തിൽപ്പെട്ട അമീബ ബാധ മൂലമുണ്ടായിട്ടുള്ളത്. എങ്കിലും അണുബാധയുണ്ടായാൽ മരണം സംഭവിക്കാനുള്ള സാധ്യത വളരെ കൂടുതലാണെന്ന് യു.എസ് സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (CDC) വ്യക്തമാക്കുന്നു. മുൻകാലങ്ങളിൽ തെക്കൻ സംസ്ഥാനങ്ങളിൽ മാത്രം കണ്ടിരുന്ന ഈ ബാക്ടീരിയൽ സാന്നിധ്യം, ആഗോള കാലാവസ്ഥാ വ്യതിയാനം കാരണം താപനില ഉയരുന്നതോടെ കൂടുതൽ വടക്കൻ മേഖലകളിലേക്കും വ്യാപിക്കുകയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Brain-eating amoeba: 8-year-old girl dies in the US.
