ടൊറന്റോ: ഡൗൺടൗൺ ടൊറന്റോയിലെ പ്രശസ്തമായ റൗണ്ട് ഹൗസ് പാർക്കിൽ വെച്ച് ആറുവയസ്സുള്ള കുട്ടിക്കുനേരെ ലൈംഗികാതിക്രമം നടന്നതായി പരാതി. സംഭവത്തിൽ പ്രതിക്കായി ടൊറന്റോ പോലീസ് അന്വേഷണം ഊർജ്ജിതമാക്കി. ബ്രെംനർ ബൊളിവാർഡ്, ലോവർ സിംകോ സ്ട്രീറ്റ് മേഖലയിലെ പാർക്കിൽ ചൊവ്വാഴ്ച ഉച്ചകഴിഞ്ഞായിരുന്നു സംഭവം.
പാർക്കിലെ ട്രെയിൻ കോച്ചുകൾക്ക് സമീപം കളിച്ചുകൊണ്ടിരിക്കുകയായിരുന്ന കുട്ടിയെ പ്രതി സമീപിക്കുകയും ലൈംഗികമായി ഉപദ്രവിക്കാൻ ശ്രമിക്കുകയുമായിരുന്നു എന്ന് പോലീസ് വ്യക്തമാക്കി. കുട്ടിയുടെ രക്ഷിതാവ് ഇത് ചോദ്യം ചെയ്തതോടെ, പ്രതി സ്ഥലത്തുനിന്ന് ഓടി രക്ഷപ്പെടുകയായിരുന്നു.
സംഭവവുമായി ബന്ധപ്പെട്ട് പ്രതിയുടെ ചിത്രങ്ങൾ പോലീസ് പുറത്തുവിട്ടിട്ടുണ്ട്. 55 നും 60 നും ഇടയിൽ പ്രായവും 5 അടി 6 ഇഞ്ച് ഉയരവുമുള്ളയാളാണ് പ്രതി. പ്രതിയെക്കുറിച്ച് എന്തെങ്കിലും വിവരങ്ങൾ ലഭിക്കുന്നവരോ, വ്യക്തിയെ തിരിച്ചറിയുന്നവരോ എത്രയും വേഗം അന്വേഷണസംഘത്തെ ബന്ധപ്പെടണമെന്ന് ടൊറന്റോ പോലീസ് അഭ്യർത്ഥിച്ചു. പ്രദേശവാസികൾ ജാഗ്രത പാലിക്കണമെന്നും പോലീസ് നിർദ്ദേശമുണ്ട്. കേസിൽ അന്വേഷണം പുരോഗമിക്കുകയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
