റെജിന: കാനഡയിലെ ഫുഡ് ബാങ്കുകളിൽ നിന്നെടുക്കുന്ന ഭക്ഷണത്തിൽ കൂടുതൽ പോഷകാഹാരങ്ങളും വൈവിധ്യവും ഉറപ്പാക്കാൻ പുതിയ പദ്ധതിയുമായി സസ്കാച്ചെവാനും ബ്രിട്ടീഷ് കൊളംബിയയും. രണ്ട് പ്രവിശ്യകളിലെയും പ്രാദേശികമായി ഉത്പാദിപ്പിക്കുന്ന ഭക്ഷ്യവസ്തുക്കൾ പരസ്പരം കൈമാറിയാണ് ഈ സംയുക്ത സംരംഭം നടപ്പിലാക്കുന്നത്. ആവശ്യക്കാർക്ക് മികച്ച ഭക്ഷണം ലഭ്യമാക്കുക എന്ന ലക്ഷ്യത്തോടെയാണ് വാങ്കൂവറിലെയും റെജിനയിലെയും ഫുഡ് ബാങ്കുകൾ തമ്മിൽ ഈ വിനിമയം സംഘടിപ്പിച്ചത്.
കഴിഞ്ഞ ആഴ്ച ഗ്രേറ്റർ വാങ്കൂവർ ഫുഡ് ബാങ്ക് 13,000 കിലോഗ്രാമിൽ അധികം ഭാരമുള്ള ചോളം, കാരറ്റ്, കേൽ, പാർസ്ലി തുടങ്ങിയ പച്ചക്കറികൾ റെജിന ഫുഡ് ബാങ്കിലേക്ക് അയച്ചിരുന്നു. ഈ പച്ചക്കറികൾ റെജിനയിൽ ഇറക്കിയ ശേഷം, ആ ട്രക്കിൽ 22 പാലറ്റ് പയർവർഗങ്ങൾ, ഓട്സ്, സൂപ്പ് മിക്സ്, പാസ്ത എന്നിവ തിരികെ ബ്രിട്ടീഷ് കൊളംബിയയിലേക്ക് കയറ്റി അയച്ചു. കഴിഞ്ഞ വർഷം ആരംഭിച്ച ഈ പദ്ധതിയുടെ രണ്ടാം ഘട്ടമാണ് ഇപ്പോൾ വിജയകരമായി പൂർത്തിയായത്.
വ്യത്യസ്ത പ്രദേശങ്ങളിൽ സമൃദ്ധമായി ലഭ്യമാകുന്ന ഭക്ഷണം പരസ്പരം പങ്കുവെക്കുന്നതിലൂടെ ഭക്ഷ്യക്ഷാമം പരിഹരിക്കാനും കൂടുതൽ വിഭവങ്ങൾ ആളുകളിലേക്ക് എത്തിക്കാനും കഴിയുമെന്ന് റെജിന ഫുഡ് ബാങ്ക് സിഇഒ മേരി വൈമറും ഗ്രേറ്റർ വാങ്കൂവർ ഫുഡ് ബാങ്ക് സിഇഒ ഡേവിഡ് ലോങ്ങും വ്യക്തമാക്കി. ലഭിച്ച പച്ചക്കറികൾ ഉപയോഗിച്ച് പാക്കറ്റ് സൂപ്പുകളും മറ്റും നിർമ്മിച്ച് വിതരണം ചെയ്യുന്ന പുതിയ രീതികളും ഫുഡ് ബാങ്കുകൾ ആരംഭിച്ചിട്ടുണ്ട്. വരും ദിവസങ്ങളിൽ രാജ്യത്തെ മറ്റു പ്രവിശ്യകളിലേക്കും ഈ സഹകരണം വ്യാപിപ്പിക്കാനാണ് അധികൃതരുടെ തീരുമാനം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Ensuring Nutrition in Canada: Saskatchewan and B.C. Join Hands
