മോൺട്രിയൽ: നഗരത്തിലെ സാധാരണക്കാർക്കും വീടില്ലാത്തവർക്കുമായി അടുത്ത ഒരു വർഷത്തിനുള്ളിൽ 1,650 പുതിയ വീടുകൾ നിർമ്മിക്കുമെന്ന് ക്യുബെക് ഭവന നിർമ്മാണ മന്ത്രി കരിൻ ബോയ്വിൻ റോയ് ശനിയാഴ്ച അറിയിച്ചു. മോൺട്രിയലിൽ വെച്ചുനടന്ന ഔദ്യോഗിക ചടങ്ങിൽ ഫെഡറൽ സർക്കാരിന്റെയും നഗരസഭയുടെയും ഉദ്യോഗസ്ഥരുടെ സാന്നിധ്യത്തിലാണ് മന്ത്രി ഈ പ്രഖ്യാപനം നടത്തിയത്. സർക്കാരിന്റെ പ്രത്യേക ഭവന പദ്ധതിക്ക് കീഴിൽ തിരഞ്ഞെടുത്ത എട്ട് പ്രൊജക്റ്റുകൾ വഴിയാണ് കുറഞ്ഞ ചെലവിലുള്ള ഈ വീടുകൾ നിർമ്മിക്കുന്നത്. നഗരത്തിൽ നിലവിലുള്ള ഭവന പ്രതിസന്ധിക്ക് വലിയൊരു പരിഹാരമുണ്ടാക്കുക എന്നതാണ് ഈ പദ്ധതിയുടെ ലക്ഷ്യം.
നിർദ്ദിഷ്ട എട്ട് പദ്ധതികൾക്കും കാനഡ ഫെഡറൽ ഏജൻസിയായ ‘മേസൺസ് കാനഡ’യുടെ പണം ലഭ്യമാക്കാനുള്ള അവസാനവട്ട അനുമതികൾ നടന്നുവരികയാണെന്ന് അധികൃതർ വ്യക്തമാക്കി. പഴയ മോൾസൺ ഫാക്ടറി നിന്നിരുന്ന സ്ഥലത്ത് 374 വീടുകളും, നമൂർ-ഹിപ്പോഡ്രോം പ്രദേശത്ത് 477 വീടുകളും ഈ പദ്ധതിയുടെ ഭാഗമായി നിർമ്മിക്കും. സാധാരണക്കാർക്ക് കുറഞ്ഞ വാടകയ്ക്ക് നല്ല താമസസൗകര്യം ഉറപ്പാക്കുക എന്നതാണ് ഇതിലൂടെ സർക്കാർ ലക്ഷ്യമിടുന്നത്.
ഇതിനോടകം തന്നെ പദ്ധതിയുടെ ആദ്യഘട്ടമായി മൂന്ന് പ്രൊജക്റ്റുകൾക്ക് ഫെഡറൽ സർക്കാർ ഫണ്ട് അനുവദിച്ചിട്ടുണ്ടെന്ന് കാനഡ ഹൗസിംഗ് മന്ത്രാലയ സെക്രട്ടറി കരോളിൻ ഡെസ്റോഷെർസ് അറിയിച്ചു. കഴിഞ്ഞ ഏപ്രിലിൽ ഉണ്ടാക്കിയ കരാർ പ്രകാരമാണിത്. ഈ മൂന്ന് പ്രൊജക്റ്റുകളിലായി 109 വീടുകളാണ് നിർമ്മിക്കുന്നത്. ഇതിൽ വെർഡൻ പ്രദേശത്ത് വീടില്ലാത്തവർക്കായി 20 വീടുകളും, നോത്ര്-ഡാം സ്ട്രീറ്റിൽ 18 വീടുകളും, പിയർഫോൺഡ്സ് മേഖലയിൽ താൽക്കാലികമായി താമസിക്കാനുള്ള അഭയകേന്ദ്രങ്ങളും ഉടൻ തന്നെ പണി പൂർത്തിയാക്കുമെന്നും അധികൃതർ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
1,650 new homes for ordinary residents coming to Montreal; federal government approves funding.
