ഒട്ടാവ: ഇന്ത്യയിലെ ഉയർന്ന ശമ്പളമുള്ള സുരക്ഷിത ജോലി ഉപേക്ഷിച്ച്, ജോലി ഉറപ്പില്ലാതെ കാനഡയിലേക്ക് കുടിയേറിയ യുവാവിന്റെ അനുഭവം സമൂഹമാധ്യമങ്ങളിൽ ചർച്ചയാകുന്നു. താനും ഭാര്യയും നാല് വർഷം മുൻപ് എടുത്ത ആ തീരുമാനമാണ് ജീവിതത്തിലെ ഏറ്റവും മികച്ചതെന്ന് വിശാൽ എന്ന യുവാവ് ഇൻസ്റ്റാഗ്രാം വീഡിയോയിലൂടെ പങ്കുവെച്ചു.
സുരക്ഷിതമായ ജോലി ഉപേക്ഷിച്ച് ഒരു അനിശ്ചിതത്വത്തിലേക്ക് എടുത്ത് ചാടുകയായിരുന്നു താനെന്ന് വിശാൽ പറയുന്നു. വീടോ കാറോ വാങ്ങുന്നതിനേക്കാൾ ഉപരിയായി, ലഭിച്ച വ്യക്തിപരമായ വളർച്ചയും ജീവിത നിലവാരവുമാണ് ഈ തീരുമാനത്തെ മഹത്തരമാക്കുന്നത്. വായു, വെള്ളം, വൃത്തി, ജീവിത നിലവാരം തുടങ്ങി നിരവധി കാര്യങ്ങളിൽ ഇപ്പോഴത്തെ ജീവിതമാണ് തനിക്ക് കൂടുതൽ പ്രിയപ്പെട്ടതെന്ന് അദ്ദേഹം വ്യക്തമാക്കി.
പുതിയൊരു രാജ്യത്തെ ജീവിതാനുഭവങ്ങൾ ഒരാളെ കൂടുതൽ പക്വതയുള്ളവനാക്കുമെന്നും, സുരക്ഷിത വലയത്തിന് പുറത്തിറങ്ങുമ്പോൾ മാത്രമാണ് യഥാർത്ഥ വളർച്ച സാധ്യമാകുന്നതെന്നും വിശാൽ കൂട്ടിച്ചേർത്തു. സ്വന്തം ജീവിതത്തിലെ അനുഭവങ്ങൾ പങ്കുവെച്ചുകൊണ്ടുള്ള ഈ വീഡിയോ വലിയ രീതിയിലുള്ള പ്രതികരണങ്ങളാണ് സമൂഹമാധ്യമങ്ങളിൽ സൃഷ്ടിക്കുന്നത്. പുതിയ മാറ്റങ്ങൾക്കും വെല്ലുവിളികൾക്കും തയ്യാറാവുന്നവർക്ക് പ്രചോദനമാണ് വിശാലിന്റെ ഈ തീരുമാനമെന്നാണ് പലരും അഭിപ്രായപ്പെടുന്നത്.
Indian who quit high-paying job to move to Canada says it was the right decision
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
