ക്യുബെക്: ക്യുബെക് പ്രവിശ്യാ ഗവൺമെന്റ് നടപ്പിലാക്കിയ പുതിയ തൊഴിൽ നിയമത്തിനെതിരെ പ്രവിശ്യയിലെ ഒമ്പത് പ്രമുഖ തൊഴിലാളി യൂണിയനുകൾ അന്താരാഷ്ട്ര തൊഴിൽ സംഘടനയ്ക്ക് (ILO) പരാതി നൽകി. ക്യുബെക് തൊഴിൽ മന്ത്രി ജീൻ ബോലെറ്റ് അവതരിപ്പിച്ച നിയമത്തിനെതിരെയാണ് സംഘടനകൾ ഐക്യരാഷ്ട്രസഭയുടെ ഏജൻസിയായ അന്താരാഷ്ട്ര തൊഴിൽ സംഘടനയെ സമീപിച്ചത്. യൂണിയനുകളുടെ ഭരണനിർവ്വഹണവും സുതാര്യതയും മെച്ചപ്പെടുത്താൻ ലക്ഷ്യമിട്ടാണ് ഈ നിയമം കൊണ്ടുവന്നതെന്ന് ഗവൺമെന്റ് വ്യക്തമാക്കുന്നു. എന്നാൽ, യൂണിയനുകളുടെ ചില പ്രത്യേക പ്രവർത്തനങ്ങൾക്കായി ഈടാക്കുന്ന പ്രധാന വരിസംഖ്യയ്ക്ക് പുറമെയുള്ള തുക നൽകുന്നത് അംഗങ്ങളുടെ വ്യക്തിപരമായ തീരുമാനത്തിന് (Optional) വിടുന്ന വ്യവസ്ഥ ഈ നിയമത്തിലുണ്ട്. ഇതാണ് യൂണിയനുകളുടെ പ്രധാന എതിർപ്പിന് കാരണം.
യൂണിയനുകളുടെ വാർഷിക വരുമാനത്തിന്റെ അടിസ്ഥാനത്തിൽ, ഓഡിറ്റ് ചെയ്ത വിശദമായ സാമ്പത്തിക പ്രസ്താവനകൾ സമർപ്പിക്കണമെന്ന വ്യവസ്ഥയും പുതിയ നിയമം നിർബന്ധമാക്കുന്നുണ്ട്. 187 അംഗരാജ്യങ്ങളിലെ ഗവൺമെന്റുകൾ, തൊഴിലുടമകൾ, തൊഴിലാളികൾ എന്നിവരുടെ പ്രതിനിധികൾ ഉൾപ്പെടുന്നതാണ് പരാതി ലഭിച്ച അന്താരാഷ്ട്ര തൊഴിൽ സംഘടന.
നാല് പ്രധാന ലേബർ ഫെഡറേഷനുകളായ സി.എസ്.ഡി (CSD), സി.എസ്.എൻ (CSN), സി.എസ്.ക്യൂ (CSQ), എഫ്.ടി.ക്യൂ (FTQ) എന്നിവയും ആരോഗ്യമേഖലയിലെ പ്രമുഖ യൂണിയനുകളായ എഫ്.ഐ.ക്യൂ (FIQ), എ.പി.ടി.എസ് (APTS) എന്നിവയും ചേർന്നാണ് പരാതി നൽകിയത്. ഇവരെക്കൂടാതെ സ്വയംഭരണ വിദ്യാഭ്യാസ ഫെഡറേഷനായ എഫ്.എ.ഇ (FAE), പൊതുസർവീസ് ജീവനക്കാരുടെയും പ്രൊഫഷണലുകളുടെയും പ്രതിനിധികളായ എസ്.പി.ജി.ക്യൂ (SPGQ), എസ്.എഫ്.പി.ക്യൂ (SFPQ) എന്നീ സംഘടനകളും സംയുക്തമായാണ് പരാതിയിൽ ഒപ്പുവെച്ചിരിക്കുന്നത്.
Quebec’s new labor law in controversy; Nine major unions approach international organization
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
