ഹാമിൽട്ടൺ: കാനഡ ദിനത്തിൽ ഹാമിൽട്ടൺ കൺസർവേഷൻ ഏരിയയിൽ കാണാതായ ഏഴു വയസ്സുകാരൻ നഥാനിയേൽ സെലാംബിയെ മരിച്ച നിലയിൽ കണ്ടെത്തി. കഴിഞ്ഞ ബുധനാഴ്ച ഉച്ചയ്ക്ക് മൂന്ന് മണിയോടെ ബിൻബ്രൂക്ക് കൺസർവേഷൻ ഏരിയയിൽ വെച്ചാണ് കുട്ടിയെ കാണാതായത്. തുടർന്ന് നടന്ന വ്യാപകമായ തെരച്ചിലിനൊടുവിൽ വ്യാഴാഴ്ച ഉച്ചയ്ക്ക് 1:30-ഓടെ പീൽ റീജിയണൽ പോലീസ് ഡൈവിംഗ് ടീമാണ് മൃതദേഹം കണ്ടെത്തിയത്.
സംഭവത്തിൽ അസ്വാഭാവികമായി ഒന്നുമില്ലെന്നും കൊലപാതക സാധ്യത പോലീസ് തള്ളിക്കളഞ്ഞതായും ഹാമിൽട്ടൺ പോലീസ് അറിയിച്ചു. ഹാമിൽട്ടൺ പോലീസ് സർവീസും കൊറോണർ ഓഫീസും സംഭവത്തിൽ അന്വേഷണം നടത്തിവരികയാണ്.
ഈ സംഭവത്തിൽ ഹാമിൽട്ടൺ മേയർ ആൻഡ്രിയ ഹോർവാത്ത് അഗാധമായ ദുഃഖം രേഖപ്പെടുത്തി. തെരച്ചിലിൽ പങ്കെടുത്ത മുഴുവൻ പേർക്കും നന്ദി അറിയിക്കുന്നതായും മേയർ പ്രസ്താവനയിൽ വ്യക്തമാക്കി.
7-year-old boy found dead
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
