ഒട്ടാവ: പുതിയ കസ്റ്റംസ് ചട്ടങ്ങൾ നിലവിൽ വന്ന പശ്ചാത്തലത്തിൽ ചില യൂറോപ്യൻ യൂണിയൻ (EU) രാജ്യങ്ങളിലേക്കുള്ള സേവനങ്ങൾ കാനഡ പോസ്റ്റ് താൽക്കാലികമായി നിർത്തിവെച്ചു. കുറഞ്ഞ മൂല്യമുള്ള ഷിപ്പ്മെന്റുകൾക്കുള്ള പുതിയ നിബന്ധനകൾ കാരണമാണ് നടപടിയെന്ന് തപാൽ സേവന വിഭാഗം അറിയിച്ചു. ഇതനുസരിച്ച് യൂറോപ്യൻ യൂണിയനിലെ പന്ത്രണ്ട് രാജ്യങ്ങളിലേക്കുള്ള കത്തുകളും പാഴ്സലുകളും അടുത്ത അറിയിപ്പ് ഉണ്ടാകുന്നത് വരെ സ്വീകരിക്കില്ലെന്ന് കാനഡ പോസ്റ്റ് വ്യക്തമാക്കി. ഓസ്ട്രിയ, ബെൽജിയം, ചെക്ക് റിപ്പബ്ലിക്, ഡെന്മാർക്ക്, ഫിൻലാൻഡ്, ഫ്രാൻസ്, ജർമ്മനി, അയർലൻഡ്, ഇറ്റലി, ലക്സംബർഗ്, പോർച്ചുഗൽ, സ്പെയിൻ എന്നീ രാജ്യങ്ങളിലേക്കുള്ള സേവനങ്ങളാണ് നിർത്തിവെച്ചിരിക്കുന്നത്.
യൂറോപ്യൻ യൂണിയന് പുറത്തുനിന്ന് വരുന്നതും 150 യൂറോ (ഏകദേശം 240 കനേഡിയൻ ഡോളർ) വരെ മൂല്യമുള്ളതുമായ പാഴ്സലുകൾക്ക് ബുധനാഴ്ച മുതൽ മൂന്ന് യൂറോ കസ്റ്റംസ് ഡ്യൂട്ടി ചുമത്താൻ യൂറോപ്യൻ യൂണിയൻ തീരുമാനിച്ചിട്ടുണ്ട്. പല പാഴ്സലുകളുടെയും മൂല്യം കുറച്ചു കാണിക്കുകയോ നികുതി വെട്ടിക്കാൻ തെറ്റായ വിവരങ്ങൾ നൽകുകയോ ചെയ്യുന്നതായി യൂറോപ്യൻ യൂണിയൻ വ്യക്തമാക്കി.
നിലവിലെ ചട്ടങ്ങൾ യൂറോപ്യൻ യൂണിയനിലെ പ്രാദേശിക വ്യാപാരികളെക്കാൾ പുറത്തുനിന്നുള്ള വിൽപനക്കാർക്ക് അനാവശ്യമായ മുൻഗണന നൽകുന്നതായും വിലയിരുത്തലുണ്ട്. ബാധിക്കപ്പെട്ട വിപണികളിൽ ചട്ടങ്ങൾ പാലിക്കുന്നതിനുള്ള പരിഹാരങ്ങൾ നടപ്പിലാക്കാൻ ശ്രമിക്കുന്നതിനിടയിലും, മറ്റ് യൂറോപ്യൻ യൂണിയൻ രാജ്യങ്ങളിലേക്കുള്ള ഷിപ്പ്മെന്റുകൾ കാനഡ പോസ്റ്റ് തുടർന്നും സ്വീകരിക്കും.
Those sending parcels to Europe beware; Canada Post suspends services to 12 countries
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
