വിക്ടോറിയ: കാനഡയിലെ വിക്ടോറിയ നഗരത്തിൽ 2026-ലെ പ്രൈഡ് ഫെസ്റ്റിവലിന് തുടക്കം കുറിച്ചുകൊണ്ട് സിറ്റി ഹാളിന് മുന്നിൽ പ്രൈഡ് പതാക ഉയർത്തി. 2SLGBTQIA+ സമൂഹത്തോടുള്ള നഗരത്തിന്റെ പിന്തുണ പ്രഖ്യാപിക്കുന്നതിനാണ് പതാക ഉയർത്തിയതെന്ന് അധികൃതർ വ്യക്തമാക്കി. നഗരത്തിൽ എല്ലാവർക്കും തുല്യ അവകാശമുണ്ടെന്ന സന്ദേശം നൽകാനാണ് വർഷം തോറും പതാക ഉയർത്തുന്നതെന്ന് വിക്ടോറിയ മേയർ മരിയാനെ ആൽട്ടോ അറിയിച്ചു.
ഈ പതാക ജൂലൈ 13 വരെ സിറ്റി ഹാളിന് മുന്നിൽ നിലനിർത്തുമെന്നും അവർ കൂട്ടിച്ചേർത്തു. പ്രൈഡ് പതാകയുടെ ചരിത്രത്തെക്കുറിച്ചും വൈവിധ്യങ്ങളെക്കുറിച്ചും ചിന്തിക്കാനുള്ള അവസരമാണിതെന്ന് വിക്ടോറിയ പ്രൈഡ് സൊസൈറ്റി പ്രസിഡന്റ് നിക്ക് ലൂണി വ്യക്തമാക്കി.
ഫെസ്റ്റിവലിന്റെ ഭാഗമായി വിക്ടോറിയയിൽ വിവിധ പരിപാടികളാണ് ആസൂത്രണം ചെയ്തിരിക്കുന്നത്. ജൂലൈ 4-ന് വിക്ടോറിയ കോൺഫറൻസ് സെന്ററിൽ ‘ക്വിയർ ലിറ്റററി റീഡിംഗ്സ്’ (Queer Literary Readings) സംഘടിപ്പിക്കും. തുടർന്ന് ജൂലൈ 8-ന് ബാൻഫീൽഡ് പാർക്കിൽ പ്രശസ്തമായ ‘Big Gay Dog Walk’ നടക്കും. ഇതിൽ നായ്ക്കളുടെ വസ്ത്രാലങ്കാര മത്സരം, വിവധ പ്രകടനങ്ങൾ, വളർത്തുമൃഗങ്ങൾക്കായുള്ള പ്രാദേശിക സ്റ്റാളുകൾ, ഫുഡ് ട്രക്കുകൾ എന്നിവ ഉൾപ്പെടുത്തിയിട്ടുണ്ട്.
ഫെസ്റ്റിവലിന്റെ പ്രധാന ആകർഷണമായ പ്രൈഡ് പരേഡ് ജൂലൈ 12 ഞായറാഴ്ച രാവിലെ 11 മണിക്ക് ആരംഭിക്കും. ഈ വർഷത്തെ ഏറ്റവും വലിയ ജനപങ്കാളിത്തമുള്ള പരിപാടിയായി മാറുമെന്ന് കരുതപ്പെടുന്ന പരേഡിൽ 80,000-ത്തിലധികം ആളുകൾ പങ്കെടുക്കുമെന്നാണ് വിലയിരുത്തൽ. ഫെസ്റ്റിവൽ അവസാനിക്കുന്നത് വരെ നഗരസഭയുടെ പിന്തുണയുടെ പ്രതീകമായി പ്രൈഡ് പതാക സിറ്റി ഹാളിന് മുന്നിൽ തുടരുമെന്ന് അധികൃതർ അറിയിച്ചു.
Pride flags raised in front of Victoria City Hall; 2026 Pride Festival begins
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
