യാദ്ഗിർ: അമിതമായ അളവിൽ എനർജി ഡ്രിങ്കുകൾ കുടിച്ചതിനെത്തുടർന്ന് വൃക്ക തകരാറിലായി 18 വയസ്സുള്ള വിദ്യാർത്ഥി മരിച്ചു. കർണാടകയിലെ യാദ്ഗിർ ജില്ലയിലെ ഹുൻഷാഗിയിലാണ് സംഭവം നടന്നത്. ബാലു ദേശായി എന്ന വിദ്യാർത്ഥിയാണ് മരിച്ചത്.
കുടുംബാംഗങ്ങൾ പറയുന്നതനുസരിച്ച്, പ്രതിദിനം നാല് കുപ്പി വീതം എനർജി ഡ്രിങ്ക് കുടിക്കുന്ന ശീലം ഇയാൾക്കുണ്ടായിരുന്നു. ഇത് ഒഴിവാക്കാൻ മാതാപിതാക്കൾ പലതവണ ആവശ്യപ്പെട്ടെങ്കിലും ബാലു അത് ഗൗനിച്ചില്ല. ഇതിനെത്തുടർന്ന് പെട്ടെന്നുണ്ടായ ശാരീരിക അസ്വാസ്ഥ്യത്തെത്തുടർന്ന് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അമിതമായ കഫീനും പഞ്ചസാരയും അടങ്ങിയ പാനീയങ്ങൾ തുടർച്ചയായി കുടിച്ചത് വൃക്കകളുടെ പ്രവർത്തനത്തെ സാരമായി ബാധിച്ചതാണ് മരണകാരണമെന്നാണ് പ്രാഥമിക നിഗമനം. പോസ്റ്റ്മോർട്ടം റിപ്പോർട്ട് വന്നാൽ മാത്രമേ മരണകാരണം ഔദ്യോഗികമായി സ്ഥിരീകരിക്കാനാകൂ.
ഈ സംഭവത്തിൽ പ്രതിഷേധിച്ചുകൊണ്ട് പ്രദേശത്തെ യുവാക്കൾ കടകളിൽ നിന്ന് വാങ്ങിയ എനർജി ഡ്രിങ്കുകൾ തെരുവിൽ ഒഴുക്കിക്കളയുകയും, ഇത്തരം പാനീയങ്ങൾ ബഹിഷ്കരിക്കാൻ ആഹ്വാനം ചെയ്യുകയും ചെയ്തു. അമിതമായ കഫീൻ ഉപയോഗം യുവാക്കളുടെ ആരോഗ്യത്തിന് വലിയ ഭീഷണിയാണെന്ന് ആരോഗ്യ വിദഗ്ധർ വീണ്ടും മുന്നറിയിപ്പ് നൽകുന്നു.
18-Year-Old Student Dies of Suspected Kidney Failure Following Excessive Energy Drink Consumption
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
