കാനഡയിൽ തൊഴിൽപരിചയമുള്ള ഡോക്ടർമാരെ ലക്ഷ്യമിട്ട്, ഇമ്മിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) തങ്ങളുടെ പുതിയ എക്സ്പ്രസ് എൻട്രി ഡ്രോ ഫലം പുറത്തുവിട്ടു. കാനഡയിൽ ഫിസിഷ്യൻമാരുടെ വലിയ ക്ഷാമം നേരിടുന്ന സാഹചര്യത്തിലാണ് ഈ പ്രത്യേക ഡ്രോ സംഘടിപ്പിച്ചിരിക്കുന്നത്.
2026 ജൂൺ 24-നാണ് കാനഡയിൽ തൊഴിൽപരിചയമുള്ള ഡോക്ടർമാർക്കായി (Physicians with Canadian Work Experience) ഈ പ്രത്യേക എക്സ്പ്രസ് എൻട്രി ഡ്രോ നടന്നത്. ഈ നറുക്കെടുപ്പിലൂടെ യോഗ്യരായ 271 ഉദ്യോഗാർത്ഥികൾക്കാണ് കാനഡയിൽ സ്ഥിരതാമസത്തിനായുള്ള (Permanent Residence) അപേക്ഷ സമർപ്പിക്കാൻ ഇൻവിറ്റേഷൻ ലഭിച്ചത്. ഈ ഡ്രോയിൽ പരിഗണിക്കപ്പെടുന്നതിനായി ഉദ്യോഗാർത്ഥികൾക്ക് കുറഞ്ഞത് 223 Comprehensive Ranking System (CRS) സ്കോർ ഉണ്ടായിരിക്കണം. 2026-ൽ ഡോക്ടർമാരെ മാത്രം ലക്ഷ്യമിട്ട് നടത്തുന്ന രണ്ടാമത്തെ എക്സ്പ്രസ് എൻട്രി ഡ്രോയാണിത്. ഫെബ്രുവരി 19-ന് നടന്ന ആദ്യ ഡ്രോയിലെ 391 പേർ ഉൾപ്പെടെ ഈ വിഭാഗത്തിൽ ഇതുവരെ ആകെ 662 പേർക്ക് ഇൻവിറ്റേഷൻസ് ലഭിച്ചുകഴിഞ്ഞു.
കാനഡയിൽ ഇതിനകം തൊഴിൽപരിചയമുള്ള ഫിസിഷ്യൻമാർക്കാണ് ഇതിൽ പൂർണ്ണ മുൻഗണന നൽകിയിരിക്കുന്നത്. ഇതോടൊപ്പം 2026 മെയ് 31-ന് വൈകുന്നേരം 6:13 (UTC) ന് മുമ്പ് തങ്ങളുടെ എക്സ്പ്രസ് എൻട്രി പ്രൊഫൈൽ സമർപ്പിച്ച ടൈ-ബ്രേക്കിംഗ് റൂൾ (Tie-breaking rule) പരിധിയിൽ വരുന്നവർക്കാണ് ഈ ഘട്ടത്തിൽ അവസരം ലഭിക്കുക. കാനഡയിൽ നിലവിൽ ജോലി ചെയ്യുന്നവർക്കും പ്രൊവിൻഷ്യൽ നോമിനേഷൻ നേടിയവർക്കും മുൻഗണന നൽകുന്ന IRCC നയത്തിന്റെ ഭാഗമായാണ് ഈ അടിയന്തര നീക്കം.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Express Entry Draw: Details of the draw held on the 24th of 2026
