പ്രിൻസ് എഡ്വേഡ് ഐലൻഡ് പ്രൊവിൻഷ്യൽ നോമിനി പ്രോഗ്രാം (PEI PNP) തങ്ങളുടെ ഏറ്റവും പുതിയ ഇമിഗ്രേഷൻ നറുക്കെടുപ്പ് ഫലങ്ങൾ പുറത്തുവിട്ടു. പ്രിൻസ് എഡ്വേഡ് ഐലൻഡ് പ്രവിശ്യ 2026 ജൂൺ 18-നാണ് ഈ വർഷത്തെ ഏറ്റവും വലിയ ഇമിഗ്രേഷൻ നറുക്കെടുപ്പ് നടത്തിയത്. പ്രവിശ്യയിൽ നിലവിൽ കടുത്ത തൊഴിൽക്ഷാമം നേരിടുന്ന, പ്രധാന മേഖലകളിൽ ജോലി ചെയ്യുന്ന പ്രാദേശിക ഉദ്യോഗാർത്ഥികൾക്കാണ് ഈ നറുക്കെടുപ്പിൽ മുൻഗണന ലഭിച്ചത്.
ഈ നറുക്കെടുപ്പിലൂടെ ആകെ 182 ഉദ്യോഗാർത്ഥികൾക്കാണ് പ്രവിശ്യാ നോമിനേഷനായി അപേക്ഷിക്കാൻ ക്ഷണം (Invitation to Apply – ITA) ലഭിച്ചത്. Labour Impact വിഭാഗത്തിലൂടെയും PEI Express Entry വിഭാഗത്തിലൂടെയുമാണ് ഇൻവിറ്റേഷൻ വിതരണം ചെയ്തത്. ഇതിൽ ലേബർ ഇംപാക്റ്റ് വിഭാഗത്തിന് കീഴിലുള്ള സ്കിൽഡ് വർക്കർ സ്ട്രീം (Skilled Worker Stream), ക്രിട്ടിക്കൽ വർക്കർ സ്ട്രീം (Critical Worker Stream), ഇന്റർനാഷണൽ ഗ്രാജുവേറ്റ് സ്ട്രീം (International Graduate Stream) എന്നീ മൂന്ന് പ്രധാന സ്ട്രീമുകൾ വഴിയാണ് തൊഴിലാളികളെ തിരഞ്ഞെടുത്തത്. കൂടാതെ University of Prince Edward Island (UPEI), Holland College, Collège de l’Île എന്നീ വിദ്യാഭ്യാസ സ്ഥാപനങ്ങളിൽ നിന്ന് പഠനം പൂർത്തിയാക്കിയ അന്തർദേശീയ വിദ്യാർത്ഥികൾക്ക് (International Students) നറുക്കെടുപ്പിൽ പ്രത്യേക മുൻഗണന നൽകിയിരുന്നു.
അടുത്ത നറുക്കെടുപ്പുകളിൽ പങ്കെടുക്കാൻ ആഗ്രഹിക്കുന്നവർ പ്രവിശ്യയുടെ ഔദ്യോഗിക വെബ്സൈറ്റിൽ അക്കൗണ്ട് സൃഷ്ടിച്ച് Expression of Interest (EOI) സമർപ്പിക്കേണ്ടതുണ്ട്. ഇംഗ്ലീഷ്/ഫ്രഞ്ച് ഭാഷാ പരിജ്ഞാനം, വിദ്യാഭ്യാസ യോഗ്യത, പ്രവൃത്തി പരിചയം, പ്രവിശ്യയിലെ ജോലി ഓഫർ എന്നിവയുടെ അടിസ്ഥാനത്തിലാണ് ഉദ്യോഗാർത്ഥികളെ വിലയിരുത്തുന്നത്.
പ്രവിശ്യയിലെ നിലവിലെ തൊഴിൽ ക്ഷാമം പരിഹരിക്കാൻ ആവശ്യമായ വിദഗ്ധരെയും തൊഴിലാളികളെയുമാണ് ഇതിലൂടെ ലക്ഷ്യമിടുന്നത്.
2026-ൽ ഇനി ആറു നറുക്കെടുപ്പുകൾ കൂടി (ജൂലൈ 16, ഓഗസ്റ്റ് 20, സെപ്റ്റംബർ 17, ഒക്ടോബർ 15, നവംബർ 19, ഡിസംബർ 17) നടത്താൻ പ്രവിശ്യയ്ക്ക് പദ്ധതിയുണ്ട്. നറുക്കെടുപ്പിൽ ITA ലഭിക്കുന്നവർ 30 ദിവസത്തിനുള്ളിൽ (മുമ്പ് ഇത് 60 ദിവസമായിരുന്നു) പൂർണ്ണമായ അപേക്ഷ സമർപ്പിക്കണം. അപേക്ഷ അംഗീകരിക്കപ്പെട്ട് പ്രവിശ്യാ നോമിനേഷൻ ലഭിക്കുന്ന ഉദ്യോഗാർത്ഥികൾക്ക് IRCC വഴി കാനഡയിലെ സ്ഥിര താമസ പദവിക്കായി (Permanent Residence) അപേക്ഷിക്കാനാകും.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
PEI PNP Draw: Here are the details of the draw held on the 18th of 2026!
