ഒട്ടാവ: കറക്ഷണൽ സർവീസ് ഓഫ് കാനഡ ഒൻപത് പ്രവിശ്യകളിലായി 35-ലധികം സ്ഥലങ്ങളിലേക്ക് വിവിധ തസ്തികകളിലേക്ക് ഇപ്പോൾ അപേക്ഷ ക്ഷണിച്ചിരിക്കുകയാണ്. സർക്കാർ ജോലി ആഗ്രഹിക്കുന്നവർക്ക് ഇതൊരു മികച്ച അവസരമാണ്. ഫുഡ് സർവീസ് ഹെൽപ്പർ തസ്തികകളിൽ മണിക്കൂറിന് 22.32 ഡോളറും സൈക്കോളജിസ്റ്റുകൾക്ക് പ്രതിവർഷം 120,780 ഡോളർ വരെയും ലഭിക്കും. പ്രത്യേകിച്ച്, ഫുഡ് സർവീസസ് ഹെൽപ്പർ തസ്തികയിൽ ചേരാൻ മുൻപരിചയം ആവശ്യമില്ല എന്നതും കുറഞ്ഞ വിദ്യാഭ്യാസ യോഗ്യത മതിയാകും എന്നതും ഇതിന്റെ പ്രത്യേകതയാണ്. കാനഡയിലെ സ്ഥിര താമസക്കാർക്കും പൗരന്മാർക്കും ഇതിലേക്ക് അപേക്ഷിക്കാവുന്നതാണ്, വിമുക്തഭടന്മാർക്ക് നിയമനത്തിൽ മുൻഗണന ഉണ്ടായിരിക്കും.
ഒക്യുപേഷണൽ തെറാപ്പിസ്റ്റ്, സൈക്കോളജിസ്റ്റ്, വിവിധ കൺസ്ട്രക്ഷൻ, ട്രേഡ്സ് തസ്തികകൾ എന്നിവയിലേക്കാണ് നിയമനം നടക്കുന്നത്. ജൂൺ 18-ന് ചില തസ്തികകളുടെ കാലാവധി അവസാനിക്കുന്നതിനാൽ താല്പര്യമുള്ളവർ വേഗത്തിൽ അപേക്ഷിക്കേണ്ടതുണ്ട്. കാനഡ സർക്കാരിന്റെ ഔദ്യോഗിക വെബ്സൈറ്റായ ജി.സി ജോബ്സ് പോർട്ടൽ വഴിയാണ് അപേക്ഷ സമർപ്പിക്കേണ്ടത്.
ഓരോ തസ്തികയുടെയും യോഗ്യതകളും സ്ഥലങ്ങളും പരിശോധിച്ച് അപേക്ഷിക്കാൻ ശ്രദ്ധിക്കുക. അപേക്ഷാ ഫോറം പൂരിപ്പിക്കുമ്പോൾ കൃത്യമായ വിവരങ്ങൾ നൽകേണ്ടതും, ആവശ്യമെങ്കിൽ ആർട്ടിഫിഷ്യൽ ഇന്റലിജൻസ് ടൂളുകൾ ഉപയോഗിച്ചുവെങ്കിൽ അത് വെളിപ്പെടുത്തേണ്ടതുമാണെന്ന് അധികൃതർ നിർദ്ദേശിക്കുന്നു. കൂടുതൽ വിവരങ്ങൾക്കും അപേക്ഷകൾക്കുമായി ഔദ്യോഗിക വെബ്സൈറ്റ് സന്ദർശിക്കുക.
New Government Of Canada Jobs Hiring Now For Multiple Locations
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
