കേരളത്തിലെ പുതിയ മുഖ്യമന്ത്രിയെ നിശ്ചയിക്കുന്നതിനായി കോൺഗ്രസ് ഹൈക്കമാൻഡ് വിളിച്ചുചേർത്ത വിശാല യോഗം ഇന്ന് ദില്ലിയിൽ നടക്കും. മുൻ കെപിസിസി അധ്യക്ഷന്മാർ, വർക്കിംഗ് പ്രസിഡന്റുമാർ എന്നിവരുമായി കേന്ദ്ര നേതൃത്വം നേരിട്ട് ചർച്ച നടത്തും. മുഖ്യമന്ത്രി പ്രഖ്യാപനം വൈകുന്നതിനെതിരെ പാർട്ടിയിൽ നിന്നും അണികളിൽ നിന്നും വലിയ വിമർശനം ഉയർന്ന സാഹചര്യത്തിലാണ് ഹൈക്കമാൻഡ് ഇടപെടൽ വേഗത്തിലാക്കിയത്. ഇന്നലെ രാത്രിയോടെയാണ് മുതിർന്ന നേതാക്കൾക്ക് ദില്ലിയിലേക്ക് അടിയന്തര വിളി എത്തിയത്.
നിലവിലെ സാഹചര്യത്തിൽ മുഖ്യമന്ത്രി സ്ഥാനത്തേക്ക് കെ.സി. വേണുഗോപാലിനാണ് മുൻതൂക്കമെന്നാണ് പുറത്തുവരുന്ന സൂചനകൾ. എന്നാൽ, ഘടകകക്ഷികളുടെ നിലപാട് കൂടി അറിഞ്ഞ ശേഷമേ ഹൈക്കമാൻഡ് അന്തിമ തീരുമാനം പ്രഖ്യാപിക്കുകയുള്ളൂ. കെ.സി. വേണുഗോപാലിന്റെ പേര് സജീവമായി ഉയർന്നതോടെ ഗ്രൂപ്പ് സമവാക്യങ്ങളും ചർച്ചകളിൽ പ്രധാന്യമർഹിക്കുന്നുണ്ട്. യുഡിഎഫിലെ മറ്റ് പ്രധാന കക്ഷികളുടെ അഭിപ്രായം കൂടി കണക്കിലെടുത്ത് വരും മണിക്കൂറുകളിൽ തന്നെ ഔദ്യോഗിക പ്രഖ്യാപനം ഉണ്ടാകാനാണ് സാധ്യത.
Kerala CM talks at crucial stage; leaders in Delhi
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
