ഗതാഗതക്കുരുക്കിന് സാധ്യത
കഴിഞ്ഞ ആഴ്ച അവസാനത്തോടെ വലിയ കുഴി (സിങ്ക്ഹോൾ) അടയ്ക്കുന്നതിനുള്ള അറ്റകുറ്റപ്പണികൾ നടക്കുന്നതിനാൽ ഹോപ്പിലെ ഹൈവേ ഒന്നിൽ ഗതാഗതക്കുരുക്കിന് സാധ്യതയുണ്ടെന്ന് അധികൃതർ അറിയിച്ചു. ഫ്ലഡ് ഹോപ്പ് റോഡിലുള്ള (എക്സിറ്റ് 165) ട്രാൻസ്-കാനഡ ഹൈവേയിൽ വ്യാഴാഴ്ച മുതൽ ഓരോ ദിശയിലേക്കും ഓരോ ലെയിൻ മാത്രമാണ് തുറന്നിട്ടുള്ളത്. സ്പ്രിംഗ് ബ്രേക്ക് കഴിഞ്ഞ് മടങ്ങുന്ന യാത്രക്കാർക്ക് ഞായറാഴ്ച ഉച്ചയ്ക്കും രാത്രി 10 മണിക്കും ഇടയിൽ പടിഞ്ഞാറൻ ദിശയിലേക്ക് ഗതാഗതക്കുരുക്ക് രൂക്ഷമാകാൻ സാധ്യതയുണ്ടെന്നും മുന്നറിയിപ്പുണ്ട്.
ഗതാഗതക്കുരുക്ക് ഒഴിവാക്കാൻ യാത്രക്കാർ കൂടുതൽ സമയം കണ്ടെത്തുകയോ വേറെ വഴി മാർഗ്ഗങ്ങൾ സ്വീകരിക്കുകയോ ചെയ്യണമെന്ന് അധികൃതർ അറിയിച്ചു. വേഗത കുറയ്ക്കുകയും ട്രാഫിക് സിഗ്നലുകൾ അനുസരിക്കുകയും റോഡരികിൽ ജോലി ചെയ്യുന്ന ജീവനക്കാർക്ക് ജാഗ്രത നൽകുകയും വേണം. 2024 നവംബറിലാണ് ഈ കുഴി ആദ്യമായി ആണ് ഈ കുഴികൾ ശ്രദ്ധയിൽപ്പെടുന്നത്. അന്ന് താൽക്കാലികമായി അടച്ചെങ്കിലും, കനത്ത മഴയെത്തുടർന്ന് കുഴി വീണ്ടും വലുതായിരുന്നു ,തുടർന്ന് കൂടുതൽ ബലപ്പെടുത്തൽ ആവശ്യമായി വന്നു.
അറ്റകുറ്റപ്പണികൾ പൂർത്തിയാകുന്നതുവരെ യാത്രക്കാർ സഹകരിക്കണം എന്ന് അധികൃതർ അറിയിച്ചിട്ടുണ്ട്. സാധ്യമായ അപകടങ്ങൾ ഒഴിവാക്കാൻ എല്ലാവരും ജാഗ്രത പാലിക്കണം എന്നും അറ്റകുറ്റപ്പണികൾ എത്രയും പെട്ടെന്ന് പൂർത്തിയാക്കി ഗതാഗതം സാധാരണ നിലയിലാക്കാൻ ശ്രമിക്കുമെന്നും അധികൃതർ അറിയിച്ചു
