കൃഷ്ണഗിരി: തമിഴ്നാട്ടിൽ ടി.വി.കെ. അധ്യക്ഷൻ വിജയ് തിരഞ്ഞെടുപ്പിൽ പരാജയപ്പെടുമെന്ന പ്രചാരണത്തിന് പിന്നാലെ ആരാധകൻ ആത്മഹത്യയ്ക്ക് ശ്രമിച്ചു. കൃഷ്ണഗിരി സ്വദേശിയായ മഹേന്ദ്രൻ എന്ന യുവാവാണ് കഴുത്ത് മുറിച്ച് ജീവനൊടുക്കാൻ ശ്രമിച്ചത്. ഉടൻ തന്നെ ആശുപത്രിയിലെത്തിച്ച ഇദ്ദേഹം ഇപ്പോൾ തീവ്രപരിചരണ വിഭാഗത്തിൽ (ഐ.സി.യു.) ചികിത്സയിലാണ്. വർഷങ്ങളായി വിജയിയുടെ കടുത്ത ആരാധകനായ മഹേന്ദ്രൻ, എക്സിറ്റ് പോൾ ഫലങ്ങളിൽ ഡി.എം.കെ. മുന്നേറ്റം കണ്ടതിനെത്തുടർന്ന് കടുത്ത മനോവിഷമത്തിലായിരുന്നുവെന്ന് സുഹൃത്തുക്കൾ വ്യക്തമാക്കുന്നു.
കഴിഞ്ഞ ദിവസം പുറത്തുവന്ന ഭൂരിഭാഗം എക്സിറ്റ് പോളുകളും തമിഴ്നാട്ടിൽ എം.കെ. സ്റ്റാലിന്റെ നേതൃത്വത്തിലുള്ള ഡി.എം.കെ. സഖ്യം ഭരണം നിലനിർത്തുമെന്നാണ് പ്രവചിക്കുന്നത്. പീപ്പിൾസ് പൾസ്, ടുഡേസ് ചാണക്യ തുടങ്ങിയ ഏജൻസികൾ ഡി.എം.കെയുടെ മുന്നേറ്റം പ്രവചിക്കുമ്പോൾ, മറ്റു ചില ഏജൻസികൾ എ.ഐ.ഡി.എം.കെ – ബി.ജെ.പി സഖ്യത്തിന്റെ അട്ടിമറി സാധ്യതയും ചൂണ്ടിക്കാണിക്കുന്നു.
അതേസമയം, ആക്സിസ് മൈ ഇന്ത്യയുടെ എക്സിറ്റ് പോൾ ഫലങ്ങൾ ടി.വി.കെയ്ക്ക് മേൽക്കൈ പ്രവചിക്കുന്നു. ഇത്തരത്തിലുള്ള വൈരുദ്ധ്യാത്മകമായ പ്രവചനങ്ങളും പ്രചാരണങ്ങളും ആരാധകരിൽ വലിയ തോതിലുള്ള ആശങ്കകളാണ് സൃഷ്ടിച്ചുകൊണ്ടിരിക്കുന്നത്.
Fan attempts suicide over Vijay’s defeat in Tamil Nadu
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
