ഹാലിഫാക്സ്: നോവ സ്കോഷ്യയിൽ സ്ഥിരതാമസമാക്കാൻ ആഗ്രഹിക്കുന്നവർക്ക് പുതിയ അറിയിപ്പുമായി ഇമിഗ്രേഷൻ വകുപ്പ്. നോവ സ്കോഷ്യ നോമിനി പ്രോഗ്രാം (NSNP) വഴി അപേക്ഷിക്കുന്ന ഉദ്യോഗാർത്ഥികൾക്കായി എക്സ്പ്രഷൻ ഓഫ് ഇൻട്രസ്റ്റ് (EOI) സമർപ്പിക്കുന്ന രീതിയിലാണ് പ്രധാന മാറ്റങ്ങൾ വരുത്തിയിരിക്കുന്നത്. 2026 മെയ് 1 മുതൽ പ്രാബല്യത്തിൽ വരുന്ന പുതിയ നിയമപ്രകാരം അപേക്ഷകൾക്ക് 12 മാസത്തെ കാലാവധി മാത്രമേ ഉണ്ടായിരിക്കുകയുള്ളൂ. നിലവിൽ പൂളിലുള്ള അപേക്ഷകർക്കായി പ്രത്യേക ട്രാൻസിഷൻ നടപടികൾ ഏർപ്പെടുത്തിയിട്ടുണ്ട്.
തൊഴിൽ വിപണിയിലെ ആവശ്യങ്ങൾക്കനുസരിച്ച് കുടിയേറ്റ നടപടികൾ കൂടുതൽ വേഗത്തിലാക്കുന്നതിനും കാര്യക്ഷമമാക്കുന്നതിനുമാണ് ഈ പരിഷ്കാരം. ഇതിന്റെ ഭാഗമായി ഫെബ്രുവരിയിൽ അപേക്ഷാ പോർട്ടലുകൾ ആധുനികവൽക്കരിക്കുകയും അപേക്ഷാ ഫോമുകളിൽ മാറ്റങ്ങൾ വരുത്തുകയും ചെയ്തിരുന്നു. പ്രവിശ്യയിലെ തൊഴിലുടമകൾക്ക് ആവശ്യമായ നൈപുണ്യമുള്ളവരെ കൂടുതൽ എളുപ്പത്തിൽ കണ്ടെത്താൻ ഈ മാറ്റങ്ങൾ സഹായിക്കുമെന്നാണ് വിലയിരുത്തൽ.
സ്കിൽഡ് വർക്കർ, നോവ സ്കോഷ്യ ഗ്രാജ്വേറ്റ്, എക്സ്പ്രസ്സ് എൻട്രി എന്നിങ്ങനെ വിവിധ സ്ട്രീമുകൾ വഴി യോഗ്യരായ ഉദ്യോഗാർത്ഥികൾക്ക് നോമിനേഷനായി അപേക്ഷിക്കാം. നോമിനേഷൻ സർട്ടിഫിക്കറ്റ് ലഭിച്ചു കഴിഞ്ഞാൽ 12 മാസത്തിനുള്ളിൽ ഫെഡറൽ ഇമിഗ്രേഷൻ വിഭാഗമായ IRCC-ക്ക് സ്ഥിരതാമസത്തിനുള്ള അപേക്ഷ സമർപ്പിക്കേണ്ടതാണ്. അപേക്ഷകനും കുടുംബവും മെഡിക്കൽ, സെക്യൂരിറ്റി പരിശോധനകൾ പൂർത്തിയാക്കണമെന്നും വിസ അനുവദിക്കുന്ന കാര്യത്തിൽ അന്തിമ തീരുമാനം IRCC-യുടേതായിരിക്കുമെന്നും അധികൃതർ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Nova Scotia Nominee Program Changes
