ഒട്ടാവ: കാനഡയിൽ സ്ഥിരതാമസം ആഗ്രഹിക്കുന്നവർക്ക് ഇനി അപേക്ഷാ നടപടികൾക്ക് കൂടുതൽ പണം ചെലവാക്കേണ്ടി വരും. എല്ലാ പെർമനന്റ് റെസിഡൻസ് വിഭാഗങ്ങൾക്കുമുള്ള ഫീസ് വർധിപ്പിക്കാൻ ഇമിഗ്രേഷൻ വിഭാഗം തീരുമാനിച്ചു. പുതുക്കിയ നിരക്കുകൾ ഈ മാസം മുപ്പതാം തീയതി മുതൽ നിലവിൽ വരും.
റൈറ്റ് ഓഫ് പെർമനന്റ് റെസിഡൻസ് ഫീസിലും എക്സ്പ്രസ് എൻട്രി ഉൾപ്പെടെയുള്ള പ്രധാന ഇമിഗ്രേഷൻ പ്രോഗ്രാമുകളിലും ചെറിയ രീതിയിലുള്ള വർധനവാണ് രേഖപ്പെടുത്തിയിരിക്കുന്നത്. ഫാമിലി സ്പോൺസർഷിപ്പ്, ബിസിനസ് ക്ലാസ്, പ്രൊട്ടക്റ്റഡ് പേഴ്സൺസ് തുടങ്ങി എല്ലാ വിഭാഗങ്ങളെയും ഈ മാറ്റം ബാധിക്കും. നിലവിലെ കുറഞ്ഞ നിരക്കിൽ അപേക്ഷിക്കാൻ താല്പര്യമുള്ളവർ ഏപ്രിൽ 30-ന് മുൻപായി ഫീസ് അടച്ച് അപേക്ഷ സമർപ്പിക്കേണ്ടതാണ്.
ഓൺലൈൻ വഴി അപേക്ഷിക്കുന്നവർ പഴയ നിരക്കിലാണ് പണമടയ്ക്കുന്നതെങ്കിൽ നടപടികൾ വൈകാൻ സാധ്യതയുണ്ടെന്ന് അധികൃതർ മുന്നറിയിപ്പ് നൽകുന്നു. പണപ്പെരുപ്പവും ഭരണനിർവഹണ ചെലവുകളും കണക്കിലെടുത്ത് ഓരോ രണ്ട് വർഷം കൂടുമ്പോഴാണ് കാനഡ ഇത്തരത്തിൽ ഫീസ് പരിഷ്കരിക്കുന്നത്. അവസാന നിമിഷത്തെ തിരക്കിൽ അപേക്ഷകൾ തെറ്റായി സമർപ്പിക്കാതെ കൃത്യമായ വിവരങ്ങൾ നൽകി ഫീസ് അടയ്ക്കാൻ അപേക്ഷകർ ശ്രദ്ധിക്കണം.
New Canada PR Fees Increase Effective April 30
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
