ഒട്ടാവ:കാനഡയിൽ വർക്ക് പെർമിറ്റ് പുതുക്കാൻ അപേക്ഷ നൽകി കാത്തിരിക്കുന്ന വിദേശ തൊഴിലാളികൾക്ക് ആശ്വാസകരമായ മാറ്റവുമായി ഇമിഗ്രേഷൻ വിഭാഗം. നിലവിലുള്ള വർക്ക് പെർമിറ്റിന്റെ കാലാവധി കഴിയുന്നതിന് മുൻപ് പുതുക്കാനായി അപേക്ഷിക്കുന്നവർക്ക് നൽകുന്ന പബ്ലിക് പോളിസി സപ്പോർട്ട് ലെറ്ററുകളുടെ (WP-EXT letters) കാലാവധി 180 ദിവസത്തിൽ നിന്നും 365 ദിവസമായി ഉയർത്തി. 2026 ഏപ്രിൽ 27 മുതലാണ് ഈ പുതിയ നിയമം പ്രാബല്യത്തിൽ വന്നത്.
പുതിയ വർക്ക് പെർമിറ്റ് ലഭിക്കുന്നത് വരെ കാനഡയിൽ നിയമപരമായി ജോലി ചെയ്യാൻ അനുവാദമുണ്ടെന്ന് തെളിയിക്കുന്ന രേഖയാണിത്. അപേക്ഷകളിൽ തീരുമാനമെടുക്കാൻ വൈകുന്ന സാഹചര്യത്തിലാണ് കാലാവധി ഇരട്ടിയാക്കിയത്. ഇതോടെ തൊഴിലാളികൾക്കും തൊഴിലുടമകൾക്കും ഒരു വർഷത്തേക്ക് രേഖകളുടെ കാര്യത്തിൽ ആശങ്കയില്ലാതെ തുടരാനാകും.
അതേസമയം പോസ്റ്റ് ഗ്രാജുവേഷൻ വർക്ക് പെർമിറ്റിന് (PGWP) അപേക്ഷിക്കുന്നവർക്ക് ഈ ആനുകൂല്യം ലഭിക്കില്ല. അവർക്കുള്ള സപ്പോർട്ട് ലെറ്ററുകളുടെ കാലാവധി നിലവിലുള്ള 180 ദിവസമായി തന്നെ തുടരും. കൂടാതെ നിലവിലെ പെർമിറ്റ് കാലാവധി തീരുന്നതിന് മുൻപ് തന്നെ രണ്ടാമതൊരു അപേക്ഷ സമർപ്പിച്ചാൽ മാത്രമേ ‘മെയിന്റൈൻഡ് സ്റ്റാറ്റസ്’ (Maintained Status) ആനുകൂല്യം ലഭിക്കൂ എന്നും ഇമിഗ്രേഷൻ വകുപ്പ് വ്യക്തമാക്കുന്നു. ആദ്യ അപേക്ഷ നിരസിക്കപ്പെട്ടാലും രണ്ടാമത്തെ അപേക്ഷ കാലാവധിക്കുള്ളിൽ നൽകിയതാണെങ്കിൽ രാജ്യത്ത് തുടരാൻ തടസ്സമുണ്ടാകില്ല.
Canada doubles length of work authorization support letters for workers on maintained status
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
