മോൺട്രിയൽ: ക്യുബക്കിൽ സ്ഥിരതാമസത്തിനായി (PR) കാത്തിരിക്കുന്ന വിദേശ തൊഴിലാളികൾക്ക് ആശ്വാസമേകുന്ന പുതിയ കുടിയേറ്റ നയം കാനഡ സർക്കാർ പ്രഖ്യാപിച്ചു. ക്യൂബെക്ക് സെലക്ഷൻ സർട്ടിഫിക്കറ്റിന് (CSQ) അപേക്ഷ സമർപ്പിച്ചവർക്ക് തങ്ങളുടെ നിലവിലെ ജോലിയിൽ തടസ്സമില്ലാതെ തുടരുന്നതിനായി ‘ക്ലോസ്ഡ് വർക്ക് പെർമിറ്റുകൾ’ ഇനി എളുപ്പത്തിൽ ലഭ്യമാകും. 2026 മാർച്ച് 13 മുതൽ പ്രാബല്യത്തിൽ വന്ന ഈ നിയമം ഡിസംബർ 31 വരെ നിലനിൽക്കും.
സ്കിൽഡ് വർക്കർ സെലക്ഷൻ പ്രോഗ്രാം (PSTQ) വഴി തിരഞ്ഞെടുക്കപ്പെട്ട് പെർമനന്റ് സെലക്ഷനായി അപേക്ഷ നൽകിയവർക്കാണ് ഈ ആനുകൂല്യം ലഭിക്കുക. ഇതിന്റെ ഏറ്റവും വലിയ പ്രത്യേകത സാധാരണ നിലയിൽ വർക്ക് പെർമിറ്റ് ലഭിക്കാൻ ആവശ്യമായ ലേബർ മാർക്കറ്റ് ഇംപാക്ട് അസസ്മെന്റ് അഥവാ LMIA നടപടിക്രമങ്ങളിൽ നിന്ന് അപേക്ഷകർക്ക് ഇളവ് ലഭിക്കും എന്നതാണ്. നിലവിൽ വർക്ക് പെർമിറ്റ് ഉള്ളവർക്കും, കാലാവധി തീരാറായവർക്കും, നിശ്ചിത സമയത്തിനുള്ളിൽ സ്റ്റാറ്റസ് പുതുക്കാൻ അപേക്ഷിച്ചവർക്കും ഈ ആനുകൂല്യം പ്രയോജനപ്പെടുത്താം.
നിലവിൽ ജോലി ചെയ്യുന്ന അതേ തൊഴിലുടമയുടെ കീഴിൽ തന്നെ തുടരാൻ ആഗ്രഹിക്കുന്നവർക്കായിരിക്കും ഈ ഇളവുകൾ ബാധകമാകുക. ക്യുബക്കിലെ തൊഴിൽ മേഖലയിലെ പ്രതിസന്ധി പരിഹരിക്കാനും വൈദഗ്ധ്യമുള്ള തൊഴിലാളികളെ പ്രവിശ്യയിൽ തന്നെ നിലനിർത്താനും ലക്ഷ്യമിട്ടാണ് ഇമിഗ്രേഷൻ വിഭാഗം ഈ താൽക്കാലിക നയം നടപ്പിലാക്കുന്നത്. 2026 മാർച്ച് 13-ന് മുൻപ് വിസ കാലാവധി തീർന്നവർക്ക് ഈ ഇളവ് ബാധകമല്ലെന്നും അധികൃതർ വ്യക്തമാക്കിയിട്ടുണ്ട്.
New measures provide work permits for CSQ applicants
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
