Canada Revenue Agency (CRA) 2025 ഏപ്രിൽ മാസത്തിൽ അഞ്ച് പ്രധാന ആനുകൂല്യങ്ങൾ വിതരണം ചെയ്യും. ഇത് രാജ്യത്തെ പല കുടുംബങ്ങൾക്കും വ്യക്തികൾക്കും സാമ്പത്തികപരമായ ആശ്വാസം നൽകും. വർധിച്ചു വരുന്ന ജീവിത ചിലവുകൾക്കിടയിൽ ഈ ആനുകൂല്യങ്ങൾ താങ്ങും തണലുമാകും. കുട്ടികളുള്ള കുടുംബങ്ങൾ, കുറഞ്ഞ വരുമാനമുള്ളവർ, പെൻഷൻ പറ്റിയവർ എന്നിവരെ ലക്ഷ്യമിട്ടുള്ള സഹായങ്ങളാണ് ഇതിലുള്ളത്.
Canada Child Benefit (CCB) പ്രകാരം ആറ് വയസ്സിൽ താഴെയുള്ള ഓരോ കുട്ടിക്കും പ്രതിവർഷം $7,786 വരെ ലഭിക്കും. ഇത് നികുതി രഹിത വരുമാനമാണ്. കുറഞ്ഞ വരുമാനമുള്ളവർക്കും ഇടത്തരം വരുമാനമുള്ളവർക്കും (GST/HST Credit) വഴി പ്രതിവർഷം $519 വരെ ലഭിക്കും. ഫെഡറൽ കാർബൺ ടാക്സ് ഒഴിവാക്കുന്നതിന് മുന്നോടിയായി കാനഡ കാർബൺ റിബേറ്റ് (CCR) അവസാനമായി വിതരണം ചെയ്യും. ഇതിലൂടെ അർഹരായ കുടുംബങ്ങൾക്ക് പ്രതിവർഷം $1,544 വരെ ലഭിക്കും. ഒന്റാറിയോ നിവാസികൾക്ക് ഒന്റാറിയോ ട്രില്ലിയം ബെനഫിറ്റ് (OTB) വഴി വിവിധ ക്രെഡിറ്റുകൾ ഒരുമിച്ച് നേടാനാകും. Canada Pension Plan (CPP) പ്രകാരം പെൻഷൻകാർക്ക് ശരാശരി $800 പ്രതിമാസം ലഭിക്കും.
ഈ ആനുകൂല്യങ്ങൾ ഏപ്രിൽ മാസത്തിലെ വിവിധ തീയതികളിലാണ് വിതരണം ചെയ്യുന്നത്. GST/HST Credit ഏപ്രിൽ 4-നും, ഒന്റാറിയോ ട്രില്ലിയം ബെനഫിറ്റ് ഏപ്രിൽ 10-നും, കാനഡ ചൈൽഡ് ബെനഫിറ്റ് ഏപ്രിൽ 17-നും, കാനഡ കാർബൺ റിബേറ്റ് ഏപ്രിൽ 22-നും, കാനഡ പെൻഷൻ പ്ലാൻ ഏപ്രിൽ 28-നും വിതരണം ചെയ്യും. എല്ലാ കനേഡിയൻ പൗരന്മാരും കൃത്യ സമയത്ത് ആനുകൂല്യങ്ങൾ ലഭിക്കുന്നതിന് വേണ്ടി നികുതി അടക്കുകയും CRA അക്കൗണ്ടുകൾ അപ്ഡേറ്റ് ചെയ്യുകയും ചെയ്യേണ്ടതാണ്.
