മോങ്ക്ടൺ : ഇറാൻ യുദ്ധത്തെത്തുടർന്ന് കാനഡയിലുടനീളം ഇന്ധനവില കുതിച്ചുയരുന്ന സാഹചര്യത്തിലാണ് തന്റെ രണ്ട് റീട്ടെയിൽ കേന്ദ്രങ്ങളിൽ ജോണി ഖൗറി ഇന്ധനവിൽപനയിൽ ഇളവ് പ്രഖ്യാപിച്ചത്. വെള്ളിയാഴ്ച ഐലൻഡ് വ്യൂവിലെ സ്റ്റേഷനിൽ ലിറ്ററിന് 1.66 ഡോളറായിരുന്നു നിരക്ക്. ഇത് തൊട്ടടുത്തുള്ള മറ്റ് സ്റ്റേഷനുകളേക്കാൾ എട്ട് സെന്റ് കുറവാണ്. കഴിഞ്ഞ വെള്ളിയാഴ്ച 19 സെന്റ് വരെ അദ്ദേഹം വില കുറച്ചിരുന്നു. നിലവിൽ ന്യൂ ബ്രൺസ്വിക്കിലെ പരമാവധി ഇന്ധനവില ലിറ്ററിന് 1.78 ഡോളറാണ്.
ഇന്ധനവില കുറയ്ക്കുമ്പോൾ തനിക്ക് സാമ്പത്തിക നഷ്ടം സംഭവിക്കുന്നുണ്ടെന്ന് ജോണി ഖൗറി വ്യക്തമാക്കി. തന്റെ ഉടമസ്ഥതയിലുള്ള വാട്ടർ ആൻഡ് ഐസ് ബിസിനസ്സിൽ നിന്നുള്ള ലാഭം ഉപയോഗിച്ചാണ് ഈ നഷ്ടം നികത്തുന്നത്. ലാഭത്തേക്കാൾ ഉപരിയായി സാധാരണക്കാരെ സഹായിക്കാനാണ് താൻ ആഗ്രഹിക്കുന്നതെന്നും അദ്ദേഹം അറിയിച്ചു. വരും ദിവസങ്ങളിലും കാലാവസ്ഥയും വിപണി സാഹചര്യങ്ങളും പരിഗണിച്ച് ഇത്തരത്തിൽ ഇളവുകൾ നൽകുന്നത് തുടരുമെന്നും ഖൗറി കൂട്ടിച്ചേർത്തു.
ഹാലിഫാക്സ് മേഖലയിൽ 10.5 സെന്റും പ്രിൻസ് എഡ്വേർഡ് ഐലൻഡിൽ നാല് സെന്റും വർധിച്ച് മാരിടൈം പ്രവിശ്യകളിൽ ഇന്ധനവില ഉയർന്നുനിൽക്കുന്ന സമയത്താണ് ജോണി ഖൗറിയുടെ ഈ തീരുമാനം. വിരമിച്ചവർക്കും നിശ്ചിത വരുമാനമുള്ളവർക്കും വർധിച്ചുവരുന്ന ഇന്ധനവില വലിയ പ്രതിസന്ധിയാണ് സൃഷ്ടിക്കുന്നതെന്ന് പ്രദേശവാസികൾ പ്രതികരിച്ചു. ഖൗറിയുടെ ഈ നീക്കം വലിയ ജനശ്രദ്ധയാണ് ഇതിനോടകം നേടിയിരിക്കുന്നത്.
Gas station owner cuts fuel prices in New Brunswick; up to 20 cents per liter less than big companies
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
