മോങ്ക്ടൺ : ന്യൂ ബ്രൺസ്വിക്കിൽ പ്രോഗ്രസീവ് കൺസർവേറ്റീവ് (പിസി) പാർട്ടി നേതൃസ്ഥാനത്തേക്കുള്ള മത്സരം പാർട്ടിക്കുള്ളിലെ ആഭ്യന്തര ഭിന്നതകൾ വർദ്ധിപ്പിക്കുന്നതായി റിപ്പോർട്ട്. മുൻ ക്യാബിനറ്റ് മന്ത്രി ഡാനിയൽ അലൈൻ, എം.എൽ.എ ഡോൺ മോണാഹൻ എന്നിവരാണ് മത്സരരംഗത്തുള്ളത്. 2023-ലെ പാർട്ടി നയങ്ങളുമായി ബന്ധപ്പെട്ട തർക്കങ്ങളുടെ പേരിൽ അലൈനെതിരെ സോഷ്യൽ മീഡിയ വഴി പാർട്ടി അംഗങ്ങൾ നടത്തുന്ന ആക്രമണങ്ങളും, വോട്ടുകൾക്കായി മോനാഹൻ സ്വീകരിക്കുന്ന തന്ത്രങ്ങളെ അലൈൻ ചോദ്യം ചെയ്യുന്നതുമാണ് പാർട്ടിക്കുള്ളിലെ അസ്വാരസ്യങ്ങൾക്ക് പ്രധാന കാരണം.
ജൂലൈ 17-18 തീയതികളിൽ നടന്ന സംഗീതമേളയിൽ വെച്ച്, പാർട്ടി വോട്ടർ പട്ടികയിൽ പേര് രജിസ്റ്റർ ചെയ്യുന്നവർക്ക് 50 ഡോളർ മൂല്യമുള്ള ടോക്കണുകൾ നൽകിയ മോണാഹന്റെ നടപടിയെ അലൈൻ വിമർശിച്ചു. ഇത് വോട്ട് വാങ്ങാനുള്ള നീക്കമാണെന്ന് അദ്ദേഹം ആരോപിച്ചു. എന്നാൽ, ഈ നടപടി ചട്ടലംഘനമല്ലെന്ന് ഇലക്ഷൻസ് ന്യൂ ബ്രൺസ്വിക്കും പാർട്ടി നേതൃത്വവും വ്യക്തമാക്കിയിട്ടുണ്ട്.
മോനാഹൻ തന്റെ ക്യാമ്പയിൻ ഫണ്ടിൽ നിന്നാണ് ടോക്കണുകൾക്കായി പണം ചെലവഴിച്ചതെന്ന് അദ്ദേഹത്തിന്റെ വക്താക്കൾ അറിയിച്ചു. പാർട്ടിക്കുള്ളിൽ തീവ്രവലതുപക്ഷ ചിന്താഗതിക്കാരായ ഗ്രാമീണ അംഗങ്ങളും മിതവാദികളായ നഗര കേന്ദ്രീകൃത അംഗങ്ങളും തമ്മിൽ വലിയ വിഭജനമുണ്ടെന്ന് രാഷ്ട്രീയ നിരീക്ഷകർ വിലയിരുത്തുന്നു.
ഒക്ടോബറിൽ നടക്കുന്ന തിരഞ്ഞെടുപ്പിന് ശേഷം പുതിയ നേതാവ് ചുമതലയേൽക്കുമ്പോൾ, ഈ രണ്ട് വിഭാഗങ്ങളെയും യോജിപ്പിച്ചു കൊണ്ടുപോകുക എന്നത് വലിയ വെല്ലുവിളിയായിരിക്കുമെന്ന് സെന്റ് തോമസ് സർവ്വകലാശാലയിലെ പൊളിറ്റിക്കൽ സയന്റിസ്റ്റ് ജാമി ഗില്ലീസ് അഭിപ്രായപ്പെട്ടു. പാർട്ടിയിൽ ഐക്യം പുനഃസ്ഥാപിക്കാൻ സാധിച്ചില്ലെങ്കിൽ വരാനിരിക്കുന്ന പ്രൊവിൻഷ്യൽ തിരഞ്ഞെടുപ്പിനെ അത് പ്രതികൂലമായി ബാധിക്കുമെന്ന് ആശങ്കയുണ്ട്.
New Brunswick PC Party leadership race fierce; differences of opinion intensify
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
