ഷാർലറ്റൗൺ: പ്രിൻസ് എഡ്വേർഡ് ഐലൻഡിൽ (PEI) രാഷ്ട്രീയ നാടകങ്ങൾക്കൊടുവിൽ പുതിയ ഊർജ്ജ മന്ത്രിയായി എർണി ഹഡ്സൺ ചുമതലയേറ്റു. Conflict of Interest Act പ്രതിസന്ധിയെത്തുടർന്ന് സിഡ്നി മക്ഇവൻ മന്ത്രിസ്ഥാനം രാജിവെച്ചതിനെ തുടർന്നാണ് ഈ പുതിയ നിയമനം. ഗതാഗതം, അടിസ്ഥാന സൗകര്യം, ഊർജ്ജം എന്നീ വകുപ്പുകളുടെ ചുമതലയാണ് എർണി ഹഡ്സണ് പുതുതായി നൽകിയിരിക്കുന്നത്. നിലവിൽ അദ്ദേഹം കൈകാര്യം ചെയ്യുന്ന ഫിഷറീസ്, ടൂറിസം വകുപ്പുകൾക്ക് പുറമെയാണിത്.
മന്ത്രിമാർ തങ്ങളുടെ ആസ്തികൾ ‘ബ്ലൈൻഡ് ട്രസ്റ്റിൽ’ (blind trust) സൂക്ഷിക്കണമെന്ന നിയമമാണ് സിഡ്നി മക്ഇവന് തിരിച്ചടിയായത്. മത്സ്യബന്ധന ലൈസൻസുള്ള മക്ഇവന്, ഉടമ തന്നെ ബോട്ട് പ്രവർത്തിപ്പിക്കണമെന്ന നിയമം നിലനിൽക്കുന്നതിനാൽ തന്റെ ആസ്തികൾ ട്രസ്റ്റിന് കൈമാറാൻ സാധിക്കുമായിരുന്നില്ല. ഈ സാങ്കേതിക പ്രശ്നം പരിഹരിക്കാൻ സർക്കാർ നിയമഭേദഗതിക്ക് ശ്രമിച്ചെങ്കിലും നിശ്ചിത സമയപരിധിക്കുള്ളിൽ അത് പൂർത്തിയാക്കാൻ കഴിയാത്തതിനാലാണ് അദ്ദേഹം രാജിവെച്ചത്.
മന്ത്രിസ്ഥാനം ഒഴിഞ്ഞെങ്കിലും മക്ഇവൻ എം.എൽ.എ ആയി തുടരും. നിയമഭേദഗതി പൂർത്തിയായാൽ അദ്ദേഹത്തെ വീണ്ടും മന്ത്രിസഭയിലേക്ക് മടക്കിക്കൊണ്ടുവരാനാണ് പ്രീമിയർ റോബ് ലാൻ്റ്സിന്റെ നീക്കം.
P.E.I. appoints new energy minister after Sidney MacEwen steps down
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
