വിക്ടോറിയ: ബ്രിട്ടീഷ് കൊളംബിയ പ്രവിശ്യയിലേക്ക് കുടിയേറാൻ ആഗ്രഹിക്കുന്നവർക്ക് കനത്ത ആഘാതം നൽകിക്കൊണ്ട് ബിസി പ്രൊവിൻഷ്യൽ നോമിനീ പ്രോഗ്രാമിൽ (BCPNP) വൻ മാറ്റങ്ങൾ പ്രഖ്യാപിച്ചു. അന്താരാഷ്ട്ര വിദ്യാർത്ഥികൾക്കായി തുടങ്ങാനിരുന്ന പുതിയ ഗ്രാജുവേറ്റ് സ്ട്രീമുകൾ റദ്ദാക്കിയ സർക്കാർ, ഐടി മേഖലയിലുള്ളവർക്കും എൻട്രി ലെവൽ ജീവനക്കാർക്കും മുൻഗണന നൽകിയിരുന്ന പ്രത്യേക പാതകൾ ഔദ്യോഗികമായി നിർത്തലാക്കി. 2026 ഏപ്രിൽ 23-ന് പുറത്തിറക്കിയ പുതിയ ഉത്തരവ് പ്രകാരം പ്രവിശ്യയുടെ കുടിയേറ്റ നയം ഇനി പൂർണ്ണമായും ആരോഗ്യ സംരക്ഷണം, നിർമ്മാണ മേഖല എന്നിവ കേന്ദ്രീകരിച്ചായിരിക്കും.
നേരത്തെ പ്രഖ്യാപിച്ചിരുന്ന ബാച്ചിലേഴ്സ്, മാസ്റ്റേഴ്സ് സ്ട്രീമുകൾ ഇനി നിലവിൽ വരില്ലെന്ന് സർക്കാർ വ്യക്തമാക്കിയതോടെ പഠനത്തിന് ശേഷം സ്ഥിരതാമസത്തിന് ശ്രമിക്കുന്ന ആയിരക്കണക്കിന് വിദ്യാർത്ഥികൾ പ്രതിസന്ധിയിലായി. ടൂറിസം, ഫുഡ് പ്രോസസ്സിംഗ് മേഖലകളിലെ സാധാരണ തൊഴിലാളികൾക്കായി ഉണ്ടായിരുന്ന എൻട്രി ലെവൽ സ്ട്രീമും നിർത്തലാക്കിയവയിൽ ഉൾപ്പെടുന്നു. ഇതോടൊപ്പം മുമ്പ് മുൻഗണന ലഭിച്ചിരുന്ന 35 സാങ്കേതിക തസ്തികകളുടെ പട്ടികയും ഒഴിവാക്കി. എന്നാൽ സാമ്പത്തിക വളർച്ചയ്ക്ക് അത്യന്താപേക്ഷിതമായ പ്രതിഭകളെ എല്ലാ മേഖലകളിൽ നിന്നും പ്രത്യേകമായി പരിഗണിക്കുമെന്ന് അധികൃതർ അറിയിച്ചു.
പുതിയ പരിഷ്കാരമനുസരിച്ച് ആരോഗ്യ മേഖലയിലെ 31 തസ്തികകൾക്കും പ്ലംബിംഗ്, ഇലക്ട്രിക്കൽ ഉൾപ്പെടെയുള്ള 9 നിർമ്മാണ മേഖലയിലെ തൊട്ടപ്പുകൾക്കും പിആർ നടപടികളിൽ വലിയ മുൻഗണന ലഭിക്കും. ഫ്രഞ്ച് ഭാഷാ പരിജ്ഞാനമുള്ള അധ്യാപകർ, വെറ്ററിനറി ജീവനക്കാർ, ഏർലി ചൈൽഡ്ഹുഡ് എഡ്യൂക്കേറ്റർമാർ എന്നിവരെയും സർക്കാർ പ്രത്യേകമായി പരിഗണിക്കുന്നുണ്ട്. ആകെ ലഭിക്കുന്ന നോമിനേഷനുകളിൽ 35 ശതമാനം വാൻകൂവറിന് പുറത്തുള്ള ഗ്രാമപ്രദേശങ്ങളിൽ ജോലി ചെയ്യുന്നവർക്കായി നീക്കിവെക്കാനും തീരുമാനമായി. കാനഡയിലെ ആരോഗ്യ പരിരക്ഷാ രംഗത്തെ ജീവനക്കാരുടെ കുറവ് പരിഹരിക്കാനും ഭവന നിർമ്മാണ മേഖല ശക്തിപ്പെടുത്താനുമാണ് ഈ കർശനമായ മാറ്റങ്ങളെന്ന് ബിസി സർക്കാർ വ്യക്തമാക്കി.
British Columbia axes graduate, tech, and entry-level PR pathways, focuses on healthcare and trades workers
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
