മാനിറ്റോബ: മാനിറ്റോബയിൽ അതിശക്തമായ മഞ്ഞുവീഴ്ചയും കാറ്റും എത്തുന്നതായി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. വടക്കൻ മാനിറ്റോബയിലെ ബ്രോച്ചെറ്റ്, ലീഫ് റാപ്പിഡ്സ്, തോംസൺ തുടങ്ങിയ മേഖലകളിൽ 30 മുതൽ 50 സെന്റീമീറ്റർ വരെ മഞ്ഞ് വീഴാൻ സാധ്യതയുള്ളതിനാൽ അതീവ ജാഗ്രതയുടെ ഭാഗമായി ഓറഞ്ച് അലർട്ട് പ്രഖ്യാപിച്ചിരിക്കുകയാണ്. മണിക്കൂറിൽ 70 കിലോമീറ്റർ വേഗതയിൽ വീശിയടിക്കുന്ന കാറ്റും കനത്ത മഞ്ഞുവീഴ്ചയും ബുധനാഴ്ച വൈകുന്നേരം മുതൽ ശനിയാഴ്ച വരെ തുടരാനാണ് സാധ്യത.
മഞ്ഞുവീഴ്ചയ്ക്ക് പുറമെ സെൻട്രൽ മാനിറ്റോബയിൽ ഐസ് മഴയ്ക്കും (Freezing Rain) സാധ്യതയുണ്ടെന്ന് എൻവയോൺമെന്റ് ആൻഡ് ക്ലൈമറ്റ് ചേഞ്ച് കാനഡ അറിയിച്ചു. അഞ്ച് മില്ലിമീറ്ററിലധികം ഐസ് റോഡുകളിൽ അടിഞ്ഞുകൂടാൻ സാധ്യതയുള്ളതിനാൽ വാഹനയാത്ര അതീവ അപകടകരമായിരിക്കും. കാഴ്ചപരിധി കുറയുന്നതും റോഡുകൾ തടസ്സപ്പെടുന്നതും ജനജീവിതത്തെ സാരമായി ബാധിച്ചേക്കാം.
വൈദ്യുതി തടസ്സത്തിനും ഗതാഗത കുരുക്കിനും സാധ്യതയുള്ളതിനാൽ പ്രദേശവാസികൾ ആവശ്യമായ മുൻകരുതലുകൾ എടുക്കണമെന്നും അനാവശ്യ യാത്രകൾ ഒഴിവാക്കണമെന്നും അധികൃതർ നിർദ്ദേശിച്ചു.
30-50 cm of snow could be headed to parts of Manitoba during ‘major snowstorm’
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
