ദില്ലി: യുഎസ്-ഇറാൻ-ഇസ്രായേൽ സംഘർഷങ്ങൾ അയവില്ലാതെ തുടരുന്ന സാഹചര്യത്തിൽ, മേഖലയിൽ സമാധാനം പുനഃസ്ഥാപിക്കാനുള്ള പുതിയ നീക്കങ്ങളുമായി പാകിസ്ഥാനും ചൈനയും രംഗത്തെത്തി. തർക്കപരിഹാരത്തിനായി ഇരുരാജ്യങ്ങളും സംയുക്തമായി രൂപീകരിച്ച അഞ്ചിന സമാധാന പദ്ധതിയെക്കുറിച്ച് പാക്-ചൈന വിദേശകാര്യ മന്ത്രിമാർ വിശദമായ ചർച്ചകൾ നടത്തി. നേരത്തെ പാകിസ്ഥാനിൽ വെച്ച് നടന്ന 21 മണിക്കൂർ നീണ്ട യുഎസ്-ഇറാൻ മാരത്തൺ ചർച്ചകൾ പരാജയപ്പെട്ട പശ്ചാത്തലത്തിലാണ് ഈ പുതിയ നയതന്ത്ര ഇടപെടൽ. ഇരുരാജ്യങ്ങളും മുന്നോട്ടുവെച്ച കർശനമായ ഉപാധികളിൽ സമവായമുണ്ടാകാത്തതിനെത്തുടർന്നാണ് മുൻപ് നടന്ന ചർച്ചകൾ ലക്ഷ്യം കാണാതെ അവസാനിച്ചത്.
അന്താരാഷ്ട്ര തലത്തിൽ നയതന്ത്ര പ്രതിസന്ധി രൂക്ഷമായതോടെ ഹോർമുസ് കടലിടുക്ക് പൂർണ്ണമായി തുറന്നുകൊടുത്തില്ലെങ്കിൽ കടുത്ത ഉപരോധം ഏർപ്പെടുത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകിയിരുന്നു. ഇതിനെത്തുടർന്ന് തിങ്കളാഴ്ച മുതൽ ഉപരോധം പ്രാബല്യത്തിൽ വരികയും ചെയ്തു. ഉപരോധം മേഖലയിലെ സാമ്പത്തിക-സുരക്ഷാ ക്രമങ്ങളെ ബാധിക്കുമെന്ന ആശങ്ക നിലനിൽക്കെയാണ്, പരാജയപ്പെട്ട അഞ്ചിന പദ്ധതി വീണ്ടും സജീവമാക്കാൻ ചൈനയും പാകിസ്ഥാനും തീരുമാനിച്ചത്. സംഘർഷം ലഘൂകരിക്കാനും ചർച്ചകൾ പുനരാരംഭിക്കാനുമുള്ള പുതിയ നിർദ്ദേശങ്ങൾ വരും ദിവസങ്ങളിൽ ഇരുരാജ്യങ്ങളും അന്താരാഷ്ട്ര വേദികളിൽ അവതരിപ്പിക്കുമെന്നാണ് സൂചന.
China and Pakistan not giving up hope; New diplomatic move after failed talks
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
