ചാർലറ്റൗൺ: നഗരത്തിൽ നടന്ന വൻ ലഹരിമരുന്ന് വേട്ടയിൽ മൂന്ന് പേരെ ചാർലറ്റൗൺ പോലീസ് അറസ്റ്റ് ചെയ്തു. ഇവരിൽ നിന്ന് 200 ഗ്രാമിലധികം കൊക്കെയ്നും ക്രിസ്റ്റൽ മെത്താംഫെറ്റാമൈനും പോലീസ് കണ്ടെടുത്തു. കഴിഞ്ഞ മാസം അവസാനം ചാർലറ്റൗണിലെ ഒരു ഹോട്ടൽ മുറി, വീട്, ഒരു വാഹനം എന്നിവിടങ്ങളിൽ നടത്തിയ പരിശോധനയിലാണ് പ്രതികൾ പിടിയിലായത്.
208 ഗ്രാം കൊക്കെയ്നിന് പുറമെ ലഹരിമരുന്ന് അളക്കാൻ ഉപയോഗിക്കുന്ന ത്രാസുകൾ, മൊബൈൽ ഫോണുകൾ എന്നിവയും അന്വേഷണസംഘം പിടിച്ചെടുത്തിട്ടുണ്ട്. ജെന്നി സാറ മേ സിംഗിൾടൺ (40), വെയ്ൻ ജോസഫ് മോഷർ (35), കോഡി അലൻ വിൻസെന്റ് മക്ഡൊണാൾഡ് (37) എന്നിവർക്കെതിരെയാണ് മയക്കുമരുന്ന് കടത്തിന് കേസെടുത്തിരിക്കുന്നത്.
അറസ്റ്റിലായവരിൽ വെയ്ൻ ജോസഫിനെ കർശന ഉപാധികളോടെ ജാമ്യത്തിൽ വിട്ടയച്ചു. എന്നാൽ മറ്റ് രണ്ട് പ്രതികളായ ജെന്നിയെയും കോഡിയെയും നിലവിൽ റിമാൻഡ് ചെയ്തിരിക്കുകയാണ്. മൂവരും മെയ് 7-ന് കോടതിയിൽ ഹാജരാകണമെന്ന് പോലീസ് അറിയിച്ചു. മേഖലയിലെ മയക്കുമരുന്ന് ശൃംഖലയെക്കുറിച്ച് കൂടുതൽ അന്വേഷണം നടന്നുവരികയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Charlottetown police charge three people with trafficking cocaine
