ബ്രാംപ്ടൺ: ബ്രാംപ്ടണിൽ മലയാളി വീട്ടമ്മയായ അമല ഹരിദേവൻ അന്തരിച്ചു. ബ്രാംപ്ടൺ സിവിക് ഹോസ്പിറ്റലിൽ ചികിത്സയിലിരിക്കെയാണ് അപ്രതീക്ഷിത മരണം സംഭവിച്ചത്. അമലയുടെ ഭർത്താവ് നിലവിൽ കേരളത്തിലാണ്. കാനഡയിൽ പഠിക്കുന്ന മക്കളായ അമൽ ദേവ്, ഹരികൃഷ്ണൻ എന്നിവർ പഠനത്തോടൊപ്പം ജോലി ചെയ്താണ് ജീവിക്കുന്നത്. അമ്മയുടെ വിയോഗം തളർത്തിയ ഈ യുവാക്കൾ, മൃതദേഹം നാട്ടിലെത്തിക്കാനുള്ള ഭീമമായ സാമ്പത്തിക ബാധ്യത നേരിടാൻ പ്രവാസി മലയാളികളുടെ സഹായം തേടുകയാണ്.
നിലവിലെ പ്രതിസന്ധി മറികടക്കാൻ കാനഡയിലെ മലയാളി സംഘടനകളായ ടിഎംഎസി (TMSI), ഓർമ്മ (ORMA) എന്നിവർ സംയുക്തമായി രംഗത്തിറങ്ങിയിട്ടുണ്ട്. മൃതദേഹം നാട്ടിലെത്തിക്കുന്നതിനുള്ള ചിലവുകൾക്കായി ഒരു ‘GoFundMe’ പേജ് ആരംഭിച്ചു. ഇതിലൂടെ സമാഹരിക്കുന്ന തുക നേരിട്ട് മകൻ അമൽ ദേവിന്റെ അക്കൗണ്ടിലേക്ക് കൈമാറും. സാധാരണക്കാരായ ഈ വിദ്യാർത്ഥികൾക്ക് ഒറ്റയ്ക്ക് താങ്ങാവുന്നതിലും അപ്പുറമാണ് നിലവിലെ ചിലവുകളെന്നതിനാൽ, ലോകമെമ്പാടുമുള്ള സുമനസ്സുകൾ ഈ കുടുംബത്തെ സഹായിക്കണമെന്ന് സംഘടനകൾ അഭ്യർത്ഥിച്ചു.
മൃതദേഹം കേരളത്തിലേക്ക് കൊണ്ടുപോകുന്നതിനുള്ള നിയമപരമായ നടപടികൾ ബ്രാംപ്ടണിൽ പുരോഗമിക്കുകയാണ്. രേഖകൾ ശരിയാകുന്ന മുറയ്ക്ക് വിമാനമാർഗ്ഗം മൃതദേഹം നാട്ടിലെത്തിക്കാനാണ് തീരുമാനം. ചെറിയ സഹായങ്ങൾ പോലും ഈ കുടുംബത്തിന് വലിയ ആശ്വാസമാകുമെന്ന് മക്കൾ അറിയിച്ചു.
Malayali housewife passes away in Brampton
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
