ന്യൂയോർക്കിലെ ലാഗ്വാർഡിയ വിമാനത്താവളത്തിൽ ഞായറാഴ്ച രാത്രിയുണ്ടായ വിമാനാപകടത്തിൽ മരിച്ച രണ്ട് പൈലറ്റുമാരിൽ ഒരാൾ ക്യുബെക് സ്വദേശിയാണെന്ന് റേഡിയോ-കാനഡ റിപ്പോർട്ട് ചെയ്തു. മോൺട്രിയലിന് തെക്കുപടിഞ്ഞാറുള്ള കോട്ടോ-ഡു-ലാക് സ്വദേശിയായ ആന്റണി ഫോറസ്റ്റ് ആണ് മരിച്ചത്. 2022 ഡിസംബർ മുതൽ ജാസ് ഏവിയേഷനിൽ ജീവനക്കാരനായിരുന്നു ഇദ്ദേഹം. പൈലറ്റിന്റെ നിര്യാണത്തിൽ കോട്ടോ-ഡു-ലാക് മുനിസിപ്പൽ കൗൺസിൽ അനുശോചനം രേഖപ്പെടുത്തി. കാപ്റ്റൻ ആന്റണി ഫോറസ്റ്റിനൊപ്പം ഫസ്റ്റ് ഓഫീസർ മക്കെൻസി ഗുന്തറും അപകടത്തിൽ കൊല്ലപ്പെട്ടതായാണ് വിവരം.
എയർ കാനഡയുടെ പങ്കാളിത്ത സ്ഥാപനമായ ജാസ് ഏവിയേഷൻ പ്രവർത്തിപ്പിക്കുന്ന സിആർജെ-900 വിമാനം ലാൻഡിംഗിനിടെ ഫയർ ട്രക്കുമായി കൂട്ടിയിടിച്ചാണ് അപകടമുണ്ടായത്. മോൺട്രിയലിൽ നിന്ന് 72 യാത്രക്കാരും നാല് ജീവനക്കാരുമായി എത്തിയതായിരുന്നു വിമാനം. അപകടത്തെത്തുടർന്ന് 41 യാത്രക്കാരെയും ജീവനക്കാരെയും വിവിധ ആശുപത്രികളിൽ പ്രവേശിപ്പിച്ചു. സംഭവത്തിൽ അമേരിക്കൻ അധികൃതർ അന്വേഷണം ഊർജിതമാക്കിയിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Air Canada plane crash: Dead pilots identified; one reportedly from Quebec
