വിന്നിപെഗ്: പ്രയറി പോയിന്റ് മേഖലയിൽ മയക്കുമരുന്ന് സംഘങ്ങളെ കേന്ദ്രീകരിച്ച് നടത്തിയ അന്വേഷണത്തിൽ ലക്ഷക്കണക്കിന് രൂപയുടെ സാധനങ്ങളും പണവും പിടിച്ചെടുത്തതായി വിന്നിപെഗ് പോലീസ്. ശനിയാഴ്ച ഫയർസ്റ്റോൺ ഡ്രൈവിലെ ഒരു വീട്ടിലും രണ്ട് വാഹനങ്ങളിലും നടത്തിയ പരിശോധനയിലാണ് വൻതോതിൽ ലഹരിമരുന്നും ആഡംബര വസ്തുക്കളും കണ്ടെത്തിയത്.
രഹസ്യവിവരത്തെ തുടർന്ന് തിരച്ചിൽ വാറന്റുമായാണ് പോലീസ് സംഘം പരിശോധനയ്ക്കെത്തിയത്. റെയ്ഡിൽ ഏകദേശം 12,000 ഡോളർ വിലമതിക്കുന്ന 513 ഗ്രാം കൊക്കെയ്ൻ, 50,200 കാനേഡിയൻ ഡോളർ പണം, 46,000 ഡോളർ വിലവരുന്ന വിലകൂടിയ വസ്ത്രങ്ങൾ, ആഭരണങ്ങൾ എന്നിവയാണ് കണ്ടെടുത്തത്. പിടിച്ചെടുത്ത വസ്തുക്കൾക്കെല്ലാം കൂടി ഏകദേശം 1.08 ലക്ഷം ഡോളർ വില വരുമെന്ന് ഉദ്യോഗസ്ഥർ വ്യക്തമാക്കി.
സംഭവവുമായി ബന്ധപ്പെട്ട് 35 വയസ്സുകാരനെ പോലീസ് കസ്റ്റഡിയിലെടുത്തു. വിൽപ്പനയ്ക്കായി മയക്കുമരുന്ന് കൈവശം വെച്ചതിനും കുറ്റകൃത്യങ്ങളിലൂടെ സമ്പാദിച്ച പണം സൂക്ഷിച്ചതിനും ഇയാൾക്കെതിരെ കേസെടുത്തിട്ടുണ്ട്. പ്രതി നിലവിൽ പോലീസ് കസ്റ്റഡിയിലാണ്. കേസിൽ കൂടുതൽ അന്വേഷണം നടന്നു വരികയാണെന്നും കോടതി നടപടികൾ ആരംഭിച്ചിട്ടില്ലെന്നും അധികൃതർ അറിയിച്ചു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Massive drug bust in Winnipeg: $108,000 worth of drugs and cash seized
