വാഷിംഗ്ടൺ: വിദേശ തൊഴിലാളികൾക്കായി അമേരിക്കൻ തൊഴിലുടമകൾ സമർപ്പിക്കേണ്ട ഐ-129 (Form I-129) ഫോമുകളിൽ മാറ്റം വരുത്തിയതായി യു.എസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ്. ഏപ്രിൽ ഒന്നു മുതൽ പഴയ പതിപ്പിലുള്ള അപേക്ഷകൾ സ്വീകരിക്കില്ലെന്നും പുതിയ ഫോമുകൾ (02/27/26 പതിപ്പ്) മാത്രമേ പരിഗണിക്കുകയുള്ളൂവെന്നും അധികൃതർ വ്യക്തമാക്കി.
പുതുക്കിയ ഫോമുകളിൽ അപേക്ഷകന്റെ പഠനവിഭാഗം, തൊഴിൽപരമായ ഉത്തരവാദിത്തങ്ങൾ, ജോലിക്ക് ആവശ്യമായ കുറഞ്ഞ വിദ്യാഭ്യാസ യോഗ്യത തുടങ്ങിയ വിവരങ്ങൾ കൃത്യമായി രേഖപ്പെടുത്തണം. 2027 സാമ്പത്തിക വർഷത്തേക്കുള്ള എച്ച്-1ബി (H-1B) വിസ നടപടികളുടെ ഭാഗമായാണ് ഈ മാറ്റങ്ങൾ കൊണ്ടുവന്നിരിക്കുന്നത്. അപേക്ഷയിൽ നൽകുന്ന ശമ്പള നിരക്ക് (Wage Level) ശരിയാണോ എന്ന് പരിശോധിക്കാൻ ഇതിലൂടെ സാധിക്കുമെന്ന് യു.എസ്.സി.ഐ.എസ്. അറിയിച്ചു.
നിലവിൽ മാർച്ച് 31 വരെ പഴയ പതിപ്പായ 01/20/25 ഫോമുകൾ ഉപയോഗിക്കാമെങ്കിലും ഏപ്രിൽ ഒന്നിന് ശേഷം ഇവ നിരസിക്കപ്പെടും. എച്ച്-1ബി, എൽ-1, ഒ-1 തുടങ്ങിയ നോൺ-ഇമിഗ്രന്റ് വിസകൾക്കും സ്റ്റേ എക്സ്റ്റൻഷൻ അപേക്ഷകൾക്കും ഐ-129 ഫോം ആണ് ഉപയോഗിക്കുന്നത്. തൊഴിലുടമകളും ഇമിഗ്രേഷൻ വിദഗ്ധരും പുതിയ മാറ്റങ്ങൾ ശ്രദ്ധിക്കണമെന്ന് അധികൃതർ കർശന നിർദ്ദേശം നൽകി.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
US visa applicants take note; Form I-129 revised, new forms mandatory from April 1
