ഒന്റാറിയോ: ഒന്റാറിയോയിലെ കുറഞ്ഞ വരുമാനക്കാർക്കും ഇടത്തരം വരുമാനക്കാർക്കും സാമ്പത്തിക സഹായം നൽകുന്ന ഒന്റാറിയോ ട്രില്യം ബെനഫിറ്റിന്റെ (OTB) അടുത്ത ഗഡു മാർച്ച് 10 ചൊവ്വാഴ്ച വിതരണം ചെയ്യും. കാനഡ റവന്യൂ ഏജൻസി വഴി നേരിട്ട് ബാങ്ക് അക്കൗണ്ടുകളിലേക്കാണ് ഈ തുക എത്തുക. വീട്ടുവാടക, വസ്തു നികുതി, ഊർജ്ജ ബില്ലുകൾ എന്നിവ കുറയ്ക്കാൻ സഹായിക്കുന്ന ഈ ആനുകൂല്യം വർഷത്തിൽ മൊത്തം 3,230 ഡോളർ വരെ ലഭിക്കാൻ അർഹതയുള്ളവർക്ക് സഹായകരമാകും.
ഒന്റാറിയോയിൽ താമസിക്കുന്ന 19 വയസ്സിന് മുകളിലുള്ളവർക്കും വാടകയോ വസ്തു നികുതിയോ അടയ്ക്കുന്നവർക്കും ഈ തുകയ്ക്ക് അർഹതയുണ്ട്. പ്രധാനമായും സെയിൽസ് ടാക്സ് ക്രെഡിറ്റ്, എനർജി ആൻഡ് പ്രോപ്പർട്ടി ടാക്സ് ക്രെഡിറ്റ്, നോർത്തേൺ ഒന്റാറിയോ എനർജി ക്രെഡിറ്റ് എന്നീ മൂന്ന് വിഭാഗങ്ങൾ സംയോജിപ്പിച്ചാണ് ഈ ഒറ്റ പേയ്മെന്റ് നൽകുന്നത്. 2024-ലെ ടാക്സ് റിട്ടേൺ ഫയൽ ചെയ്തവർക്കും ‘ON-BEN’ ഫോം പൂരിപ്പിച്ചവർക്കും മാത്രമേ ഈ ആനുകൂല്യം ലഭിക്കുകയുള്ളൂ.
നിങ്ങളുടെ വാർഷിക ആനുകൂല്യം 360 ഡോളറിൽ താഴെയാണെങ്കിൽ ജൂലൈ മാസത്തിൽ ഒറ്റത്തവണയായിട്ടായിരിക്കും തുക ലഭിക്കുക. അല്ലാത്തപക്ഷം ഇത് എല്ലാ മാസവും 10-ാം തീയതിയോടെ അക്കൗണ്ടിലെത്തും. മാർച്ച് 10 കഴിഞ്ഞും പണം ലഭിക്കാത്തവർ കുറഞ്ഞത് 10 പ്രവൃത്തിദിവസം കാത്തിരുന്ന ശേഷം സി.ആർ.എ (CRA) അധികൃതരുമായി ബന്ധപ്പെടേണ്ടതാണ്. നിങ്ങളുടെ ബാങ്ക് വിവരങ്ങളോ വിലാസമോ മാറിയിട്ടുണ്ടെങ്കിൽ അത് സി.ആർ.എ മൈ അക്കൗണ്ട് വഴി പുതുക്കാൻ മറക്കരുത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
New Ontario Trillium Benefit Payments To Be Sent On March 10
