ബിഹാർ മുഖ്യമന്ത്രി നിതീഷ് കുമാർ സജീവ രാഷ്ട്രീയം സംസ്ഥാനത്തുനിന്നും കേന്ദ്രത്തിലേക്ക് മാറ്റാനൊരുങ്ങുന്നതായി റിപ്പോർട്ടുകൾ. നിതീഷ് കുമാർ മുഖ്യമന്ത്രി സ്ഥാനം രാജിവച്ച് രാജ്യസഭാംഗമാകുമെന്നാണ് സൂചനകൾ. മാർച്ച് അഞ്ചിന് അദ്ദേഹം രാജ്യസഭയിലേക്ക് നാമനിർദേശ പത്രിക സമർപ്പിക്കുമെന്നാണ് അറിയുന്നത്. ഇതിനായുള്ള നടപടിക്രമങ്ങൾ ജെഡിയു പൂർത്തിയാക്കിയിട്ടുണ്ട്.
നിതീഷ് കുമാർ സ്ഥാനമൊഴിയുന്നതോടെ ബിഹാറിൽ ബിജെപി മുഖ്യമന്ത്രി സ്ഥാനം ഏറ്റെടുത്തേക്കും. ഇതിനൊപ്പം നിതീഷിന്റെ മകൻ നിഷാന്ത് ഉപമുഖ്യമന്ത്രിയായി അധികാരത്തിലെത്തുമെന്ന സൂചനകളും പുറത്തുവരുന്നുണ്ട്. ഇതുമായി ബന്ധപ്പെട്ട് ജെഡിയു എക്സിക്യൂട്ടീവ് പ്രസിഡന്റ് സഞ്ജയ് കുമാറുമായി നിതീഷ് കുമാർ മണിക്കൂറുകളോളം നീണ്ട ചർച്ചകൾ നടത്തിക്കഴിഞ്ഞു. കേന്ദ്രമന്ത്രി ലല്ലൻ സിങ് കൂടി പട്നയിലെത്തുന്നതോടെ ഈ കാര്യങ്ങളിൽ ഔദ്യോഗിക തീരുമാനമുണ്ടായേക്കും. മുഖ്യമന്ത്രി സ്ഥാനം രാജിവയ്ക്കുന്നത് സംബന്ധിച്ചും പുതിയ മന്ത്രിസഭാ രൂപീകരണം സംബന്ധിച്ചും വരും മണിക്കൂറുകളിൽ നിർണ്ണായക പ്രഖ്യാപനങ്ങൾ ഉണ്ടായേക്കാം.
Nitish Kumar Rajya Sabha Entry
