ഒട്ടാവ: കാനഡയിൽ സ്ഥിരതാമസം ആഗ്രഹിക്കുന്നവർക്ക് ആശ്വാസകരമായ വാർത്തയുമായി പുതിയ എക്സ്പ്രസ് എൻട്രി നറുക്കെടുപ്പ് ഫലം പുറത്തു വന്നു. ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) 2026 മാർച്ച് 3-ന് നടത്തിയ ഏറ്റവും പുതിയ ഡ്രോയിൽ 4,000 അപേക്ഷകർക്കാണ് സ്ഥിരതാമസത്തിനുള്ള ക്ഷണം (ITA) ലഭിച്ചത്.
കനേഡിയൻ എക്സ്പീരിയൻസ് ക്ലാസ് (CEC) വിഭാഗത്തിൽപ്പെട്ടവർക്കായി നടത്തിയ ഈ നറുക്കെടുപ്പിൽ കുറഞ്ഞ സി.ആർ.എസ് (CRS) സ്കോർ 508 ആയി നിശ്ചയിച്ചു. കഴിഞ്ഞ രണ്ട് വർഷത്തിനിടയിലെ ഏറ്റവും കുറഞ്ഞ സ്കോറുകളിൽ ഒന്നാണിത് എന്നത് ശ്രദ്ധേയമാണ്. 2025 ജൂൺ 24-ന് മുൻപ് എക്സ്പ്രസ് എൻട്രി പ്രൊഫൈലുകൾ സമർപ്പിച്ചവർക്കാണ് (Tie-breaking rule പ്രകാരം) ഈ റൗണ്ടിൽ അവസരം ലഭിച്ചത്.
രാജ്യത്തെ തൊഴിൽ വിപണിയിലെ വിടവുകൾ നികത്തുന്നതിനും കാനഡയിൽ പ്രവൃത്തിപരിചയമുള്ള വിദഗ്ധ തൊഴിലാളികളെയും അന്താരാഷ്ട്ര വിദ്യാർത്ഥികളെയും നിലനിർത്തുന്നതിനും മുൻഗണന നൽകുന്നതിന്റെ ഭാഗമായാണ് ഇത്തവണ വലിയ തോതിലുള്ള ഈ ഡ്രോ നടത്തിയത്. വരും മാസങ്ങളിലും സമാനമായ രീതിയിൽ സ്കോറുകൾ കുറയാനും കൂടുതൽ പേർക്ക് അവസരം ലഭിക്കാനും സാധ്യതയുണ്ടെന്ന് ഇമിഗ്രേഷൻ വിദഗ്ധർ വിലയിരുത്തുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Express Entry draw: 4,000 invited; CRS score drops
