ആൽബർട്ടയിലേക്ക് കുടിയേറാൻ ആഗ്രഹിക്കുന്നവർക്ക് സന്തോഷ വാർത്ത.ആൽബർട്ട അഡ്വാൻറ്റേജ് ഇമിഗ്രേഷൻ പ്രോഗ്രാമിന് കീഴിൽ ഫെബ്രുവരി 20, 24 തീയതികളിലായി നടന്ന രണ്ട് വ്യത്യസ്ത നറുക്കെടുപ്പുകളിലൂടെ ടൂറിസം, ഹോസ്പിറ്റാലിറ്റി മേഖലകളിലും മറ്റ് മുൻഗണനാ വിഭാഗങ്ങളിലുമായി നിരവധി പേർക്കാണ് പ്രവിശ്യാ ഇൻവിറ്റേഷൻ നൽകിയത്.
ഫെബ്രുവരി 20-ന് നടന്ന ആൽബർട്ട ഓപ്പർച്യൂണിറ്റി സ്ട്രീം നറുക്കെടുപ്പിലാണ് ഏറ്റവും കൂടുതൽ പേർക്ക് ക്ഷണം ലഭിച്ചത്. പ്രയോറിറ്റി സെക്ടറുകൾക്കായി നടത്തിയ ഈ നറുക്കെടുപ്പിൽ 831 അപേക്ഷകർക്കാണ് ഇൻവിറ്റേഷൻ നൽകിയത്. വെറും 56 പോയിന്റ് എന്ന കുറഞ്ഞ സ്കോർ നേടിയവർക്കും ഈ റൗണ്ടിൽ അവസരം ലഭിച്ചു എന്നത് ശ്രദ്ധേയമാണ്. കുറഞ്ഞ സ്കോറിലുള്ളവർക്കും ആൽബർട്ടയിൽ കുടിയേറാൻ സാധിക്കുമെന്നത് അപേക്ഷകർക്ക് വലിയ പ്രതീക്ഷ നൽകുന്നു.
തുടർന്ന് ഫെബ്രുവരി 24-ന് നടന്ന നറുക്കെടുപ്പ് ടൂറിസം ആൻഡ് ഹോസ്പിറ്റാലിറ്റി സ്ട്രീമിൽ ഉള്ളവർക്കായിരുന്നു. ഈ വിഭാഗത്തിൽ ആകെ 68 അപേക്ഷകർക്ക് ക്ഷണം ലഭിച്ചു. ഇതിനായുള്ള കുറഞ്ഞ സ്കോർ 73 ആയി നിശ്ചയിച്ചിരുന്നു. പ്രവിശ്യയിലെ സാമ്പത്തിക വളർച്ചയ്ക്ക് നിർണ്ണായകമായ മേഖലകളെ കേന്ദ്രീകരിച്ചാണ് ആൽബർട്ട നിലവിൽ കുടിയേറ്റ നയങ്ങൾ ക്രമീകരിക്കുന്നത് എന്ന് ഈ നറുക്കെടുപ്പുകൾ വ്യക്തമാക്കുന്നു.
Alberta PNP draw feb 20,24
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
