ടൊറന്റോ: നോർത്ത് യോർക്കിൽ തിങ്കളാഴ്ച രാത്രിയുണ്ടായ കുത്തേറ്റ സംഭവത്തിൽ അഞ്ച് പേരെ ആശുപത്രിയിൽ പ്രവേശിപ്പിച്ചതായി പാരാമെഡിക്സ് അറിയിച്ചു. ബാതർസ്റ്റ് സ്ട്രീറ്റ്, സ്റ്റീൽസ് അവന്യൂ മേഖലയിലെ ഒരു വീട്ടിൽ രാത്രി 9:44-ഓടെയാണ് അനിഷ്ട സംഭവങ്ങൾ റിപ്പോർട്ട് ചെയ്തതെന്ന് ടൊറന്റോ പോലീസ് വ്യക്തമാക്കി. പരിക്കേറ്റ നിലയിൽ നാല് പേരെയാണ് പോലീസ് സംഭവസ്ഥലത്ത് കണ്ടെത്തിയത്. ഇതിൽ മൂന്ന് പേർക്ക് കുത്തേറ്റിട്ടുണ്ട്. ഇവരെ അതീവ ഗുരുതരാവസ്ഥയിലാണ് ആശുപത്രിയിൽ പ്രവേശിപ്പിച്ചത്.
നാലാമത്തെയാൾക്ക് നിസ്സാര പരിക്കുകളാണുള്ളത്. പരിശോധനകൾക്കായി അഞ്ചാമതൊരു മുതിർന്ന വ്യക്തിയെയും ആശുപത്രിയിലേക്ക് മാറ്റിയിട്ടുണ്ട്.
സംഭവവുമായി ബന്ധപ്പെട്ട് ഒരാളെ പോലീസ് കസ്റ്റഡിയിലെടുത്തു. നിലവിൽ പ്രദേശത്ത് പോലീസ് സന്നാഹം ക്യാമ്പ് ചെയ്യുന്നുണ്ട്. അന്വേഷണം പുരോഗമിക്കുകയാണെന്നും കൂടുതൽ വിവരങ്ങൾ ലഭ്യമായിട്ടില്ലെന്നും അധികൃതർ അറിയിച്ചു.
