മാനിറ്റോബ പ്രവിശ്യാ നാമനിർദ്ദേശ പദ്ധതി (MPNP) വഴിയുള്ള പുതിയ നറുക്കെടുപ്പ് പൂർത്തിയായി. ഫെബ്രുവരി 12-ന് സ്കിൽഡ് വർക്കർ സ്ട്രീമിന് കീഴിൽ നടന്ന നറുക്കെടുപ്പിലൂടെ 29 ഉദ്യോഗാർത്ഥികൾക്കാണ് കാനഡയിലെ സ്ഥിരതാമസത്തിന് (PR) അപേക്ഷിക്കാനുള്ള ലെറ്റേഴ്സ് ഓഫ് അഡ്വൈസ് (LAA) ലഭിച്ചത്.
മാനിറ്റോബയിൽ നിലവിൽ ജോലി ചെയ്യുന്നവർക്കും പ്രവിശ്യയുമായി ശക്തമായ ബന്ധമുള്ളവർക്കും സ്ഥിരതാമസത്തിന് അവസരം നൽകുന്ന രീതിയിലാണ് സ്കിൽഡ് വർക്കർ ഇൻ മാനിറ്റോബ പ്രോഗ്രാം രൂപകൽപ്പന ചെയ്തിരിക്കുന്നത്. സാധുവായ വർക്ക് പെർമിറ്റുള്ളവർ, പ്രവിശ്യയിലെ ഒരു തൊഴിലുടമയിൽ നിന്ന് ലഭിച്ച ഫുൾ ടൈം ജോലി വാഗ്ദാനം ഉള്ളവർ, ഒരേ സ്ഥാപനത്തിൽ ആറ് മാസമെങ്കിലും പ്രവൃത്തിപരിചയം ഉള്ളവർ എന്നിവർക്കാണ് അപേക്ഷിക്കാൻ യോഗ്യതയുള്ളത്. തൊഴിൽ കമ്പോളത്തിന്റെ ആവശ്യങ്ങൾക്കനുസരിച്ചാണ് പ്രവിശ്യ ഇത്തരം നറുക്കെടുപ്പുകൾ നടത്തുന്നത്.
ഭാഷാ വൈദഗ്ധ്യത്തിന് കുറഞ്ഞത് CLB 4 സ്കോർ ഉണ്ടാവുക, മാനിറ്റോബയിൽ താമസിക്കാനും ജോലി ചെയ്യാനുമുള്ള സന്നദ്ധത പ്രകടിപ്പിക്കുന്ന സെറ്റിൽമെന്റ് പ്ലാൻ സമർപ്പിക്കുക എന്നിവയും അപേക്ഷകർക്ക് നിർബന്ധമാണ്. ഓരോ 15 ദിവസത്തെ ഇടവേളകളിലും നറുക്കെടുപ്പ് നടത്താനാണ് പ്രവിശ്യാ അധികൃതർ ലക്ഷ്യമിടുന്നത്. ജനുവരിയിൽ നടന്ന ആദ്യ നറുക്കെടുപ്പിൽ 55 പേർക്ക് അപേക്ഷാ അനുമതി നൽകിയിരുന്നു. കാനഡയിലെ സാമ്പത്തിക വളർച്ചയും തൊഴിൽ മേഖലയിലെ കുറവുകളും പരിഹരിക്കുകയാണ് ഈ പദ്ധതിയുടെ ലക്ഷ്യമെന്നും റിപ്പോർട്ട് വ്യക്തമാക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
MPNP February 12,2026
