കാനഡയിൽ ജോലി സ്വപ്നം കാണുന്നവർക്ക് IRCC നേരിട്ട് നടത്തുന്ന വമ്പിച്ച റിക്രൂട്ട്മെന്റ് ഇവന്റ്. 12 വ്യത്യസ്ത തൊഴിൽ മേഖലകളിലായി നൈപുണ്യമുള്ള തൊഴിലാളികളെ കണ്ടെത്താനാണ് കാനഡ ലക്ഷ്യമിടുന്നത്. 2026 മാർച്ച് 20, 21 തീയതികളിൽ ഫ്രാൻസിലെ പാരീസിലാണ് ഈ പരിപാടി നടക്കുന്നത്. പൂർണ്ണമായും സൗജന്യമായി നടത്തപ്പെടുന്ന ഈ ഇവന്റിൽ പങ്കെടുക്കാൻ രജിസ്ട്രേഷൻ ഫീസോ മറ്റ് ചെലവുകളോ ഇല്ല എന്നത് ഉദ്യോഗാർത്ഥികൾക്ക് ആശ്വാസകരമാണ്.
എയ്റോസ്പേസ്, മെക്കാനിക്കൽ, ഇലക്ട്രിക്കൽ തുടങ്ങിയ എഞ്ചിനീയറിംഗ് മേഖലകൾ മുതൽ വെൽഡർമാർ, മെഷീനിസ്റ്റുകൾ, പൈലറ്റുമാർ, സോഫ്റ്റ്വെയർ ഡെവലപ്പർമാർ തുടങ്ങി വിവിധ മേഖലകളിലുള്ളവർക്ക് ഈ അവസരം പ്രയോജനപ്പെടുത്താം. ഉന്നതവിദ്യാഭ്യാസമുള്ള എഞ്ചിനീയർമാർക്ക് മാത്രമല്ല, പ്രായോഗിക തൊഴിൽ നൈപുണ്യമുള്ള ടെക്നീഷ്യൻമാർക്കും വെൽഡർമാർക്കും ഈ റിക്രൂട്ട്മെന്റിൽ തുല്യ പ്രാധാന്യമുണ്ട്. തിരഞ്ഞെടുക്കപ്പെടുന്നവർക്ക് കാനഡയിലെ തൊഴിലുടമകളുമായി നേരിട്ട് അഭിമുഖം നടത്താനും പി.ആർ (PR) ഉൾപ്പെടെയുള്ള കുടിയേറ്റ മാർഗ്ഗങ്ങളെക്കുറിച്ച് കൃത്യമായ വിവരങ്ങൾ ലഭിക്കാനും ഇതിലൂടെ സാധിക്കും.
ഇംഗ്ലീഷിലോ ഫ്രഞ്ചിലോ ഉള്ള പ്രാവീണ്യമാണ് അപേക്ഷകർക്കുണ്ടാകേണ്ട പ്രധാന യോഗ്യത. ഫ്രാൻസിലാണ് പരിപാടി നടക്കുന്നത് എന്നതിനാൽ ഫ്രഞ്ച് സംസാരിക്കാൻ അറിയുന്നവർക്ക് മുൻഗണന ലഭിക്കാൻ സാധ്യതയുണ്ട്. പാരീസിലാണ് നേരിട്ടുള്ള അഭിമുഖങ്ങൾ നടക്കുകയെങ്കിലും, യോഗ്യരായ ഉദ്യോഗാർത്ഥികൾക്ക് ഇതിനായി ഓൺലൈനായി അപേക്ഷിക്കാം. വിഡ് ക്രൂട്ടർ (VidCruiter) എന്ന പ്ലാറ്റ്ഫോം വഴിയാണ് അപേക്ഷകൾ സ്വീകരിക്കുന്നത്. മുൻകൂട്ടി രജിസ്റ്റർ ചെയ്യുന്നവരിൽ നിന്ന് തിരഞ്ഞെടുക്കപ്പെടുന്നവർക്ക് മാത്രമേ ഇവന്റിൽ പങ്കെടുക്കാൻ അനുവാദമുണ്ടാവുകയുള്ളൂ എന്നതിനാൽ താല്പര്യമുള്ളവർ എത്രയും വേഗം അപേക്ഷിക്കുന്നത് ഗുണകരമാകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Canada’s Free Recruitment Event For 12 In-Demand Occupations On March 20
