ന്യൂ ഫൗണ്ട്ലാൻഡ് :നൂറ്റാണ്ടിന്റെ നൊമ്പരമായി മാറിയ 9/11 ഭീകരാക്രമണത്തിന്റെ 25-ാം വാർഷികം അടുത്തിരിക്കെ, അന്ന് ലോകത്തിന് മാതൃകയായ കാനഡയിലെ ഗാൻഡർ നഗരത്തിന്റെ നന്മയുടെ കഥ വെള്ളിത്തിരയിലേക്ക്. വിമാനങ്ങൾ കൂട്ടത്തോടെ നിലത്തിറക്കിയപ്പോൾ ഒറ്റപ്പെട്ടുപോയ ആയിരക്കണക്കിന് യാത്രക്കാർക്ക് അഭയമേകിയ ഈ കൊച്ചു നഗരത്തിന്റെ കഥ ‘ഹെറിറ്റേജ് മിനിറ്റ്’ എന്ന പ്രശസ്തമായ കനേഡിയൻ വീഡിയോ പരമ്പരയിലൂടെയാണ് പുനരാവിഷ്കരിക്കുന്നത്. പ്രശസ്തമായ ബ്രോഡ്വേ മ്യൂസിക്കലിന് പ്രമേയമായ ഈ സംഭവം, ചരിത്രരേഖയായി മാറുന്നതിന്റെ ആവേശത്തിലാണ് രാജ്യം.
എലമെന്റൽ പിക്ചേഴ്സിന്റെ ബാനറിൽ ഗാൻഡർ സ്വദേശികളായ പീറ്റർ ബ്ലാക്കിയും റോബ് ബ്ലാക്കിയും ചേർന്നാണ് ഈ 60 സെക്കൻഡ് ദൈർഘ്യമുള്ള ഹെറിറ്റേജ് മിനിറ്റ് നിർമ്മിക്കുന്നത്. അടുത്ത മാസം ഗാൻഡറിൽ തന്നെ ചിത്രീകരണം ആരംഭിക്കുന്ന വീഡിയോയ്ക്കായി ഏകദേശം ആയിരത്തോളം Background actors നെ ആവശ്യമുണ്ടെന്ന് നിർമ്മാതാക്കൾ അറിയിച്ചു. സ്വന്തം നാട്ടിലെ ഇത്രയും സ്വാധീനമുള്ള ഒരു കഥ ദൃശ്യവൽക്കരിക്കുക എന്നത് വലിയ ഉത്തരവാദിത്തമാണെന്നും, ആഗോളതലത്തിൽ ശ്രദ്ധിക്കപ്പെട്ട ആ കാരുണ്യപ്രവൃത്തിയുടെ തീവ്രത ഒട്ടും ചോർന്നുപോകാതെ അവതരിപ്പിക്കാനാണ് ശ്രമിക്കുന്നതെന്നും പീറ്റർ ബ്ലാക്കി മാധ്യമങ്ങളോട് പറഞ്ഞു.
2001 സെപ്റ്റംബർ 11-ന് അമേരിക്കയിൽ ഭീകരാക്രമണം നടന്നതിനെത്തുടർന്ന് വ്യോമപാതകൾ അടച്ചതോടെയാണ് ന്യൂഫൗണ്ട്ലാൻഡ് നഗരമായ ഗാൻഡർ ലോകശ്രദ്ധ നേടുന്നത്. ഏകദേശം 38 വിമാനങ്ങളിലായി എത്തിയ ഏഴായിരത്തോളം യാത്രക്കാരാണ് അന്ന് ഈ ചെറിയ നഗരത്തിൽ അപ്രതീക്ഷിതമായി കുടുങ്ങിയത്. പ്രതിസന്ധിഘട്ടത്തിൽ ജാതിയോ മതമോ നോക്കാതെ, തങ്ങളുടെ വീടുകളുടെ വാതിലുകൾ അപരിചിതർക്കായി തുറന്നിട്ട ഗാൻഡർ നിവാസികളുടെ നടപടി പിൽക്കാലത്ത് വലിയ ചർച്ചയായിരുന്നു. ആ ചരിത്ര നിമിഷങ്ങളെ വരുംതലമുറയ്ക്കായി ഡിജിറ്റൽ രൂപത്തിൽ സൂക്ഷിച്ചുവെക്കുക എന്ന ലക്ഷ്യത്തോടെയാണ് പുതിയ പദ്ധതി ഒരുങ്ങുന്നത്.
newfoundland-labrador/ganders-generosity-on-9-11-is-getting-the-heritage-minute-treatment-by-locals
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
