ബലൂചിസ്ഥാൻ ആക്രമണത്തിന് പിന്നിൽ യുവതികളായ ചാവേറുകളെന്ന് സ്ഥിരീകരണം ; ചിത്രം പുറത്തുവിട്ട് തീവ്രവാദ സംഘടന

ബലൂചിസ്താൻ: പാകിസ്താനിലെ വിവിധ നഗരങ്ങളിലും പട്ടണങ്ങളിലും നടന്ന വൻകിട ആക്രമണങ്ങളുടെ ഉത്തരവാദിത്തം ഏറ്റെടുത്ത ബലൂചിസ്താൻ ലിബറേഷൻ ആർമിനിരോധിത സംഘടനയായ ബി.എൽ.എ പുറത്തുവിട്ട വിവരങ്ങൾ പ്രകാരം, ബലൂചിസ്താനിലെ നുഷ്കിയിൽ താമസിക്കുന്ന മുഹമ്മദ് ഇസ്മായിലിന്റെ മകളാണ് ആസിഫ മെംഗൽ. 2002 ഒക്ടോബർ 2-ന് ജനിച്ച ആസിഫ തന്റെ 21-ാം ജന്മദിനത്തിലാണ് ബി.എൽ.എയുടെ ‘മജീദ് ബ്രിഗേഡിൽ’ ചേരുന്നത്. 2024 ജനുവരിയിൽ ചാവേറാകാൻ തീരുമാനിച്ച ഇവർ ശനിയാഴ്ച നുഷ്കിയിലെ ഐ.എസ്.ഐ (ISI) ആസ്ഥാനം ലക്ഷ്യമിട്ടാണ് ആക്രമണം നടത്തിയതെന്നും സംഘടന പ്രസ്താവനയിൽ അറിയിച്ചു.

അതേസമയം, അക്രമികളിൽ ഒരാളുടെ പേര് ഇതുവരെ വ്യക്തമായിട്ടില്ല. ആക്രമണത്തിന് തൊട്ടുമുമ്പ് ഇവർ സംഘടനയിലെ സഹപ്രവർത്തകർക്കൊപ്പം നിൽക്കുന്ന വീഡിയോ പുറത്തുവന്നിട്ടുണ്ട്. ഇതിൽ വലിയൊരു തോക്ക് കൈയിലേന്തി ചിരിച്ചുകൊണ്ട് ഇവർ പാകിസ്താൻ സർക്കാരിനെ പരിഹസിക്കുന്നുണ്ട്. “പാക് സർക്കാരിന് ഞങ്ങളുടെ പാവപ്പെട്ട അമ്മമാരുടെയും സഹോദരിമാരുടെയും മേൽ മാത്രമേ അധികാരം കാണിക്കാൻ അറിയൂ; ഞങ്ങളെ നേരിട്ട് നേരിടാൻ അവർക്ക് കഴിയില്ല,” എന്ന് ഇവർ വീഡിയോയിൽ പറയുന്നു.
“ബലൂച് ജനത ഉണരേണ്ട സമയമായി. നമ്മൾ ബലൂച് പോരാളികൾക്കൊപ്പം തോളോട് തോൾ ചേർന്ന് നിൽക്കണം. ശത്രുക്കളുടെ ദിവസങ്ങൾ എണ്ണപ്പെട്ടു കഴിഞ്ഞു. നോക്കൂ, ഇന്ന് നമ്മുടെ പോരാളികൾ അവരുടെ ജീവൻ ബലിയർപ്പിക്കുന്നു, സ്വയം പൊട്ടിത്തെറിക്കുന്നു. എന്നാൽ ഇപ്പോഴും ചിലർ തുച്ഛമായ പണത്തിന് വേണ്ടി ശത്രുക്കൾക്ക് വേണ്ടി ചാരപ്പണി ചെയ്യുന്നു.” ബലൂചി ഭാഷയിലുള്ള വീഡിയോയിൽ അവർ പറയുന്നു. 

അഫ്ഗാനിസ്ഥാനുമായും ഇറാനുമായും അതിർത്തി പങ്കിടുന്ന ബലൂചിസ്താൻ പ്രവിശ്യയിൽ സമീപകാലത്തുണ്ടായ ഏറ്റവും മാരകമായ ആക്രമണങ്ങളിൽ ഒന്നാണിത്. സാധാരണക്കാരുടെ വേഷത്തിലെത്തിയ ഭീകരർ സ്കൂളുകളിലും ബാങ്കുകളിലും ആശുപത്രികളിലും കടന്നുകയറി വെടിയുതിർക്കുകയായിരുന്നു എന്ന് പാക് മന്ത്രി തലാൽ ചൗധരി പറഞ്ഞു. BLA രണ്ട് ചാവേറുകളുടെ ചിത്രങ്ങൾ പുറത്തുവിട്ടു. ആക്രമണം നടത്തിയ രണ്ടുപേരും സ്ത്രീകളാണ്. 

ഇതിൽ ഒരാൾ 24കാരിയായ ആസിഫ മെംഗൽ ആണെന്ന് തിരിച്ചറിഞ്ഞിട്ടുണ്ട്. 17 സുരക്ഷാ ഉദ്യോഗസ്ഥർ ഉൾപ്പെടെ ഏകദേശം 50 പേരാണ് ഈ മാരകമായ ആക്രമണങ്ങളിൽ കൊല്ലപ്പെട്ടത്. ഇതിന് മറുപടിയായി പാക്കിസ്ഥാൻ സുരക്ഷാ സേന നടത്തിയ 40 മണിക്കൂർ നീണ്ട പോരാട്ടത്തിൽ ഇതുവരെ 140-ലധികം തീവ്രവാദികളെ വധിച്ചതായി ബലൂചിസ്താൻ മുഖ്യമന്ത്രി സർഫറാസ് ബുഗ്തി ഞായറാഴ്ച അറിയിച്ചു. രണ്ട് ആക്രമണങ്ങളിലും സ്ത്രീ കുറ്റവാളികൾ ഉൾപ്പെട്ടിട്ടുണ്ടെന്ന് പാക്കിസ്ഥാൻ പ്രതിരോധ മന്ത്രി ഖ്വാജ ആസിഫ് പറഞ്ഞു. വെള്ളിയാഴ്ച രാത്രി ആരംഭിച്ച ആക്രമണങ്ങൾ ശനിയാഴ്ച വരെ തുടർന്നിരുന്നു.

നുഷ്കി, ഹബ്, ചാമൻ, നസീറാബാദ്, ഗ്വാദർ, മക്രാൻ എന്നിവയുൾപ്പെടെ നിരവധി പ്രദേശങ്ങളിൽ നിന്ന് ആക്രമണങ്ങൾ റിപ്പോർട്ട് ചെയ്യപ്പെട്ടിട്ടുണ്ടെന്ന് ബലൂചിസ്ഥാൻ സർക്കാർ വക്താവ് ഷാഹിദ് റിൻഡ് പറഞ്ഞു. ഇത്തരത്തിലുള്ള ഒരു ഓപ്പറേഷൻ ആസൂത്രണം ചെയ്യുന്നതായി അധികൃതർക്ക് സൂചന ലഭിച്ചിരുന്നുവെന്നും അതുകൊണ്ടാണ് അവർക്ക് പ്രത്യാക്രമണം നടത്താൻ കഴിഞ്ഞതെന്നും ബലൂചിസ്ഥാൻ മുഖ്യമന്ത്രി പറഞ്ഞു.

ബലൂചിസ്ഥാനിലുടനീളം സുരക്ഷാ സേനയെ ലക്ഷ്യമിട്ട് ‘ഹീറോഫ്’ (കറുത്ത കൊടുങ്കാറ്റ്) എന്ന് പേരിട്ടിരിക്കുന്ന രണ്ടാം ഘട്ട ഓപ്പറേഷൻ ശനിയാഴ്ച ആരംഭിച്ചതായി ബി‌എൽ‌എ അറിയിച്ചു. ഏതെങ്കിലും നഗരത്തിന്റെയോ തന്ത്രപ്രധാനമായ കേന്ദ്രത്തിന്റെയോ നിയന്ത്രണം പിടിച്ചെടുക്കാനുള്ള തീവ്രവാദികളുടെ ശ്രമങ്ങളെ സുരക്ഷാ സേന പരാജയപ്പെടുത്തിയതായി പാകിസ്ഥാൻ സൈന്യം അറിയിച്ചു.

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82

Confirmed that young female suicide bombers were behind the Balochistan attack; Terrorist organization releases picture