വിനിപെഗ്: വിനിപെഗിലെ പാൻ ആം പൂൾ രണ്ട് വ്യത്യസ്തമായ മെഡിക്കൽ അടിയന്തര സാഹചര്യങ്ങൾ ഉണ്ടായതിനെ തുടർന്ന് താൽക്കാലികമായി അടച്ചതായി നഗരസഭാ അധികൃതർ. ചൊവ്വാഴ്ച വൈകുന്നേരം സന്ദർശകർക്ക് ആരോഗ്യപ്രശ്നങ്ങൾ അനുഭവപ്പെട്ടതിനെ തുടർന്ന് പൂളിന്റെ പ്രവർത്തനം നിർത്തിവെക്കേണ്ടി വന്നതെന്ന് വിനിപെഗ് ഫയർ പാരാമെഡിക് സർവീസ് (WFPS) അറിയിച്ചു.
ചൊവ്വാഴ്ച വൈകുന്നേരത്തോടെയാണ് ആദ്യത്തെ സംഭവം റിപ്പോർട്ട് ചെയ്തത്. വിവരമറിഞ്ഞ് പാരാമെഡിക് സംഘം ഉടനടി സ്ഥലത്തെത്തി ആവശ്യമായ പരിശോധനകൾ നടത്തി. എന്നാൽ സന്ദർശകന്റെ ആരോഗ്യനില തൃപ്തികരമായതിനാൽ ആരെയും ആശുപത്രിയിലേക്ക് മാറ്റേണ്ട സാഹചര്യം ഉണ്ടായില്ലെന്ന് അധികൃതർ വ്യക്തമാക്കി.
തുടർന്ന് രാത്രി 7:30 ഓടെ രണ്ടാമത്തെ മെഡിക്കൽ അടിയന്തരാവസ്ഥ കൂടി ഉണ്ടായതോടെയാണ് സ്ഥിതി ഗൗരവമായത്. ഈ സംഭവത്തിൽ ഒരാളെ വിദഗ്ധ ചികിത്സയ്ക്കായി ആശുപത്രിയിൽ പ്രവേശിപ്പിച്ചു. നിലവിൽ ഇദ്ദേഹത്തിന്റെ ആരോഗ്യനില ആരോഗ്യ നില തൃപ്തികരമാണെന്നാണ് റിപ്പോർട്ടുകൾ. ഈ രണ്ട് സംഭവങ്ങളും മുങ്ങിമരണമോ അല്ലെങ്കിൽ വെള്ളത്തിൽ മുങ്ങിയതുമായി ബന്ധപ്പെട്ട അപകടങ്ങളോ അല്ലെന്ന് പൂൾ അധികൃതർ പ്രത്യേകം അറിയിച്ചു.
അടിയന്തര സാഹചര്യങ്ങളെ തുടർന്ന് ചൊവ്വാഴ്ച രാത്രി പൊതുജനങ്ങൾക്ക് പൂളിലേക്കുള്ള പ്രവേശനം പൂർണ്ണമായും നിരോധിച്ചിരുന്നു. ആവശ്യമായ സുരക്ഷാ പരിശോധനകൾ പൂർത്തിയാക്കിയ ശേഷം ബുധനാഴ്ച രാവിലെ മുതൽ പാൻ ആം പൂൾ സാധാരണ നിലയിൽ പ്രവർത്തനം പുനരാരംഭിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Medical emergency: Winnipeg Pan Am Pool temporarily closed
