ഒട്ടാവ: കാനഡയിൽ താമസിക്കാനും ജോലി ചെയ്യാനും ആഗ്രഹിക്കുന്ന അമേരിക്കൻ പൗരന്മാർക്ക് നിയമനടപടികളിൽ വലിയ ഇളവുകളുമായി പുതിയ കുടിയേറ്റ നയം. കാനഡ–യുണൈറ്റഡ് സ്റ്റേറ്റ്സ്–മെക്സിക്കോ കരാർ (CUSMA) പ്രകാരം നിശ്ചിത തൊഴിൽ മേഖലകളിലുള്ളവർക്ക് സങ്കീർണ്ണമായ കടമ്പകളില്ലാതെ ഇനി കാനഡയിലേക്ക് മാറാം. വിദേശ തൊഴിലാളികളെ നിയമിക്കുന്നതിന് മുൻപായി തൊഴിലുടമകൾ നേടേണ്ട ‘ലേബർ മാർക്കറ്റ് ഇംപാക്ട് അസെസ്മെന്റ്’ (LMIA) എന്ന കടമ്പ ഒഴിവാക്കിയതാണ് ഇതിൽ ഏറ്റവും പ്രധാനപ്പെട്ട ആനുകൂല്യം.
ആർക്കൊക്കെ അപേക്ഷിക്കാം?
അമേരിക്കയിലെയും മെക്സിക്കോയിലെയും പൗരന്മാർക്ക് മാത്രമാണ് ഈ ആനുകൂല്യം ലഭിക്കുക. പ്രധാനമായും നാല് വിഭാഗങ്ങളിലുള്ളവർക്കാണ് മുൻഗണന:
- പ്രൊഫഷണലുകൾ: ഐടി, ആരോഗ്യ മേഖല, ശാസ്ത്രം, അധ്യാപനം തുടങ്ങിയ 60-ഓളം മേഖലകളിലെ വിദഗ്ധർ.
- കമ്പനി മാറ്റം (ICT): അമേരിക്കയിലെ ഒരു കമ്പനിയിൽ ജോലി ചെയ്യുന്നവർക്ക് അതിന്റെ കാനഡയിലെ ശാഖയിലേക്ക് എളുപ്പത്തിൽ മാറാം.
- വ്യാപാരികൾ: കാനഡയുമായി വലിയ തോതിൽ വ്യാപാര ബന്ധമുള്ള സ്ഥാപനങ്ങളിലെ ജീവനക്കാർ.
- നിക്ഷേപകർ: കാനഡയിൽ വലിയ തോതിൽ നിക്ഷേപം നടത്തുന്നവർക്കും സ്ഥാപനങ്ങൾ നടത്തുന്നവർക്കും ഈ ഇളവ് ലഭിക്കും.
കുടുംബാംഗങ്ങൾക്കും സുരക്ഷ
തൊഴിലാളികൾക്കൊപ്പം അവരുടെ പങ്കാളിക്കും കുട്ടികൾക്കും കാനഡയിലേക്ക് മാറാൻ സാധിക്കും. പങ്കാളിക്ക് കാനഡയിൽ എവിടെയും ജോലി ചെയ്യാൻ സഹായിക്കുന്ന ‘ഓപ്പൺ വർക്ക് പെർമിറ്റും’ കുട്ടികൾക്ക് സ്റ്റഡി പെർമിറ്റ് ഇല്ലാതെ തന്നെ സ്കൂൾ വിദ്യാഭ്യാസവും ഉറപ്പാക്കാം.
സ്ഥിരതാമസത്തിനുള്ള വഴി (PR)
താൽക്കാലിക വർക്ക് പെർമിറ്റിലാണ് കാനഡയിലേക്ക് എത്തുന്നതെങ്കിലും, അവിടെ ലഭിക്കുന്ന ജോലി പരിചയം ഭാവിയിൽ സ്ഥിരതാമസത്തിന് (Permanent Residency) വലിയ സഹായമാകും. എക്സ്പ്രസ് എൻട്രി (Express Entry) വഴിയോ പ്രവിശ്യാതലത്തിലുള്ള പദ്ധതികൾ (PNP) വഴിയോ അപേക്ഷിക്കുമ്പോൾ കനേഡിയൻ പ്രവൃത്തിപരിചയത്തിന് പ്രത്യേക പോയിന്റുകൾ ലഭിക്കുന്നത് പി.ആർ നടപടികൾ വേഗത്തിലാക്കാൻ സഹായിക്കും.
പാലിക്കേണ്ട നിബന്ധനകൾ
അപേക്ഷകർ ക്രിമിനൽ പശ്ചാത്തലം ഇല്ലാത്തവരും മതിയായ ആരോഗ്യ യോഗ്യതയുള്ളവരും ആയിരിക്കണം. കൂടാതെ, നിശ്ചിത കാലാവധി കഴിഞ്ഞാൽ രാജ്യം വിടുമെന്നും കുടുംബത്തെ സംരക്ഷിക്കാൻ ആവശ്യമായ സാമ്പത്തിക ശേഷിയുണ്ടെന്നും തെളിയിക്കണം. യോഗ്യതയുള്ളവർക്ക് കാനഡയിലെ അതിർത്തികളിൽ വച്ചുതന്നെ (Port of Entry) വർക്ക് പെർമിറ്റിനായി അപേക്ഷിക്കാനുള്ള സൗകര്യവുമുണ്ട്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Immigration to Canada becomes easier for American citizens; New policy eliminates LMIA requirement
